پەیامی کورد   ...   سەرۆک وەزیرانی بەنگلادش هەڵات، حکوومەتی کاتی پێک دێت

دوای بەردەوامی ناڕەزایەتییە خوێناوییەکان لە بەنگلادش، شێخ حەسینە، سەرۆکوەزیران دەستی لەکارکێشایەوە و بەرەو هیندووستان هەڵهات. 

هەزاران خۆپیشاندەر هەڵیانکوتایە سەر کۆشکی سەرۆک وەزیران، ئەم وێنانە لە تەلەفزیۆنەکانیشەوە پەخش کران. شێخ حەسینە بە هەلیکۆپتەر بەنگلادشی بەجێ هێشت و بەرەو هیندووستان هەڵهات. 

لە ووتارێکی تەلەفزیۆنیدا، واکەر ئەلزەمان، فەرماندەی سوپای بەنگلادش هەواڵی دەست لەکارکشانەوەی سەرۆکوەزیرانی بەنگلادشی پشتڕاست کردەوە و ڕایگەیاند کە حکوومەتێكی کاتی پێکدەهێندرێت. 

ئاماژەی بەوەش کرد، لەگەڵ لایەنە ئۆپۆزسیۆنەکان و نوێنەرانی کۆمەڵگەی مەدەنی هاوكار دەبێت، بەڵام پارتی عەوامی لیگ كە لە لایەن حەسینە سەرۆکایەتی دەكرا لەو دانیشتنانەدا بەشدار نابێت.