پەیامی کورد   ...   فەرماندەی باڵای سوپای پاسداران هۆشداری جیددی لەبارەی ئەگەری ململانێ لەگەڵ ئەمریکا دەدات

سەرۆکی ڕێکخراوی پاراستنی ئیتلاعاتی سوپای پاسداران ووتی : ئەگەر ئەمریکا بەرژەوەندییە نەتەوەیی یەکانمان بخاتە مەترسییەوە، ئێمە لە هەموو جیهاندا بەرژەوەندییە نەتەوەییەکانیان دەخەینە مەترسییەوە.
مەجید خادەمی، سەرۆکی ڕێکخراوی پاراستنی ئیتلاعاتی سوپای پاسدارانی ئینقلابی ئیسلامی سەبارەت بە دانووستان لەگەڵ ئەمریکا ووتی : ترامپ لە پێگەی فرت و فێڵەوە هاتە ژوورەوە. ترامپ لە ووتارەکەیدا هەندێک لە ئامانجەکانی ئاشکرا کرد و هەندێکیشیان بە شاراوەیی هێشتەوە. ترامپ دەیەوێت ئەو بەرنامە ئەتۆمی و مووشەکی و چەکی ئاسایی کۆبکاتەوە کە هەموو ووڵاتێک پێویستی پێیەتی.

 ئاماژەی بەوەشکرد: ئەمریکییەکان دانیان بە گەلەکەماندا نەنا، بەڵام ترامپ سرووشتی ڕاستەقینەی ئەمریکییەکانی نیشاندا. ترامپ، چوونکە چێژ لە شەفافییەتێکی ڕێژەیی وەردەگرێت، تایبەتمەندییە ناوخۆیی یەکانی ئەمریکییەکانی خستەڕوو، بۆیە وەک ڕابەری باڵای ئینقلابی ئیسلامی ووتی، ئێمە هیچ سنوورێکمان نییە سەبارەت بە پەیوەندیکردن لەگەڵ جیهاندا. هێڵی سووری ئێمە دانووستانە لەگەڵ ئەمریکییەکان.
سەرۆکی ڕێکخراوی پاراستنی هەواڵگری سوپای پاسداران وتی: دانوستانەکان دەبێت زیرەک و شەرەفمەندانە و ژیرانە بن. ئەم بەیاننامەی سەرکردایەتییە بناغەی ئێمەیە. ئێمە پەیوەندییەکی باشمان لەگەڵ هەموو جیهان هەیە و لەسەر ڕێگای خۆمان بەردەوام دەبین و بە پشتیوانی گەلی خۆشەویستمان بە دڵنیایی یەوە بەرەو ئامانجەکانی شۆڕشی ئیسلامی و بەهاکانی شۆڕشی ئیسلامی هەنگاو دەنێین.
سەردار خادمی ڕوونی کردەوە: ئەگەر ئەمریکییەکان بەنیازی فەسادی بن، وەک ڕابەری مەزنی ئینقلابی ئیسلامی ووتی؛ ئەگەر ئەوان هەڕەشە بکەن ئێمەش هەڕەشە دەکەین و ئەگەر هەڕەشەکە جێبەجێ بکەن ئێمەش ووڵامی یەکلاکەرەوە دەدەینەوە. ئێمە بە تەواوی ئامادەین. ئەگەر بەرژەوەندیه نەتەوەیی یەکانمان بخەنه مەترسی، به دڵنیاییه وه بەرژەوەندی نەتەوەیی ئەوان له هەموو جیهاندا دەخەینه مەترسییه وه .