پەیامی کورد   ...   فەرماندەی هێزی دەریایی سوپای پاسدارانی ئێران هۆشداری تووند دەداتە ئەمریکا

عەلی رەزا تەنگسیری، فەرماندەی هێزی دەریایی سوپای پاسدارانی ئێران ڕایگەیاند، ئەگەر ئەمریكا هێرش بكاتە سەر ووڵاتەكەیان ئەوا گەرووی هورمز دادەخەن و چاوپۆشی لە هیچ هێرشێك ناكەن، دەشڵێت، "هیچ دانووستانێک سەبارەت بە بەرنامەی مووشەکییەکانمان ناكەین".

عەلی رەزا تەنگسیری، لەمیانەی لە چاوپێکەوتنێکدا لەگەڵ تەلەفزیۆنی ئەلمەیادین کەشتییەکی فڕۆکە هەڵگرەوە ڕایگەیاند، ئەگەر ئەمریكا و یان هەر ووڵاتێكی هێرش بكاتە سەرمان ئەوە گەرووی هورمز دادەخەن.

ئاماژەی بەوەشكرد، "بڕیاری داخستنی گەرووەكە لەلایەن فەرماندە باڵاکانی ووڵاتەكەمانەوە دەدرێت، جێبەجێکردنی ئەو بڕیارەش بەرپرسیارییەتی منە".

ئەو بەرپرسەی سوپای ئێرانی ووتیشی، چاوپۆشی ناكەن لە هیچ هێرشێک بكرێتەسەریان، هیچ کەسێک ناتوانێت لێیان بدات و دەربازبێت، تەنانەت ئەگەر ناچاریش بن بەدوایەوەبن بۆ کەندئاوی مەکسیک، ئەوە ئەو کارە دەکەن.

ئەوەشی خستەڕوو، ئێران ناچێتە ناو هیچ دانووستانێکەوە سەبارەت بە بەرنامەی موشەکییەکەی یان تواناکانی بەرەی مقاوەمە و ئەم پرسانە بۆ گفتوگۆ نین.