پەیامی کورد   ...   كوژرانی سەلیم عیاد یەکێک لە سەرکردەکانی حیزبۆڵڵا و لە بكەرانی تیرۆری ڕەفیق حەریری

بەپێی هەواڵی سەرچاوە هەواڵییەکانی لوبنان و سووریا ، سەلیم عیاش یەکێک لە سەرکردەکانی حیزبوڵڵا لە یەکێک لە دوایین هێرشەکانی ئیسڕائیل لە کوسیری سووریا کوژرا.

"سەلیم جەمیل عیاش"، تیرۆریستی حیزبۆڵڵای لوبنان سەر بە کۆماری ئیسلامی، لە ساڵانی ڕابردوودا دوای ٩ ساڵ لە بەدواداچوون لەلایەن دادگای لاهای وەک ئەنجامدەری تیرۆری سەرۆک وەزیرانی پێشووی لوبنان "ڕەفیق حەریری" و ٢١ كەس لە هاوکارەکانی و بریندارکردنی ٢٢٦ لوبنانی سزای بەندی هەتاهەتایی بەسەردا سەپێندرا.

هەروەها حکوومەتی ئەمریکا پێشتر پاداشتی دە ملیۆن دۆلاری پێشکەش کردبوو بۆ هەر زانیارییەك سەبارەت بە دەستنیشان كردنی شوێنی خۆحەشاردان یان دەستگیرکردنی سەلیم جەمیل عیاش.