كەشناسی هه‌رێم كاتی هاتنی شەپۆلى بارانبارین و کۆتایی شەپۆلەکەشی ڕاگه‌یاند
پەیامی کورد ... كەشناسی هه‌رێم كاتی هاتنی شەپۆلى بارانبارین و کۆتایی شەپۆلەکەشی ڕاگه‌یاند
بەڕێوبەرایەتی گشتی كەشناسی و بوومەلەرزەزانی هەرێم رایگەیاند، لە ڕۆژی یەكشەممەوە شەپۆلێکى نمەباران و هەورە تریشقەى پچڕ پچڕ ڕو لە زۆربەى ناوچەکانى هەرێم دەكات و تا دوا نیوەڕۆی ڕۆژی دووشەممە بەردەوام دەبێت. دەشڵێت، "پێشبینى دەکرێ لە ناوچە شاخاویەکانى دهۆک و هەولێر و بەشێک لە ناوچەکانى گەرمیان ڕێژەیەکى زیاتر بارانى لێ ببارێت".
بەڕێوبەرایەتی گشتی كەشناسی و بومەلەرزەزانی هەرێم ئەمشەو لە ڕاگەێندراوێكدا بڵاویكردەوە، پێشبینى دەکرێ ڕۆژى یەکشەممە ئاسمانى هەرێم نیمچە هەور بۆ هەوری تەواوبێت، لەگەڵ هاتنى شەپۆلێکى نمەباران و هەورە تریشقەى پچڕ پچڕ لە کاتەکانى دوای نیوەڕۆدا بۆ سەر زۆربەى ناوچەکانى هەرێم.
ئاماژەی بەوەشكرد، ڕۆژی دووشەممەش نمەبارانى پچڕ پچڕ و هەورە بروسکە بەردەوام دەبێت، بەتایبەت لە ناوچە شاخاوییەکان و ناوچەکانى گەرمیان و ڕۆژهەڵاتى هەرێم، لە دوای نیوەڕۆوە شەپۆلەکە کۆتایی دێت و پلەکانى گەرما (3 بۆ 5) پلەى سیلیزى نزم دەبێتەوە بەراورد بە پلەکانى گەرمى ئەمڕۆ.
بەگوێرەی ڕاگەێندراوكەی بەڕێوبەرایەتی گشتی كەشناسی و بومەلەرزەزانی هەرێم، پێشبینى دەکرێ لە ناوچە شاخاویەکانى دهۆک و هەولێر و بەشێک لە ناوچەکانى گەرمیان ڕێژەیەکى زیاتر بارانى لێ ببارێت.
ئەم بابەتە 16 جار خوێندراوەتەوە