پەیامی کورد   ...   لاڤرۆڤ : پاڤێل دورۆڤ بوو بە قوربانی سەربەخۆیی خۆی

سێرگی لاڤرۆڤ، وەزیری دەرەوەی ڕووسیا ڕایگەیاند: پاڤێل دورۆڤ، بەڕێوبەری جێبەجێکاری کۆمپانیای تێلێگرام کە لە فەرەنسا دەستگیرکرا، زۆر ئازاد بوو لە ڕێبازەکەی بۆ بەڕێوەبردنی ئەم پلاتفۆرمە تۆڕە کۆمەڵایەتییە و ئەمەش لاوازی ئەو بوو.

بە پێی هەواڵەکان دادوەرێکی فەڕەنسی هەفتەی ڕابردوو دورۆڤی لەدایکبووی ڕووسیای خستە ژێر لێکۆڵینەوەی فەرمییەوە بە گومانی هاوبەشیکردن لە ڕێگەی ئاسانکاریکردن بۆ مامەڵە نایاساییەکان، وێنەی دەستدرێژی کردنە سەر منداڵان، بازرگانیکردن بە ماددە هۆشبەرەکان و ساختەکاری لە تێلێگرام.

پارێزەرەکەی دورۆڤ دەڵێت: شتێکی بێ مانایە کە بڵێین دەبێت بەرپرسیار بێت لە هەر سەرپێچییەک کە لەم ئەپڵیکەیشنەدا ڕوودەدات کە نزیکەی یەک ملیار بەکارهێنەری هەیە. تێلێگرام لە ڕووسیا و ئۆکراین و ووڵاتانی تری سۆڤیەتی پێشوودا زۆر بەناوبانگە.

لە وتارێکیدا بۆ خوێندکارانی زانکۆی نوخبەی MGIMOی مۆسکۆ کە لەلایەن وەزارەتی دەرەوە بەڕێوەدەبرێت، لاڤرۆڤ هەڵوێستی کرێملینی دووپاتکردەوە کە لێکۆڵینەوە لە دورۆڤ بەشێکە لە فێڵێکی سیاسی گەورەتری ڕۆژئاوا بۆ سەپاندنی دەسەڵات بەسەر ڕووسیادا.

وەزیری دەرەوەی ڕووسیا ڕایگەیاند: پاڤێل دورۆڤ زۆر ئازاد بوو. گوێی لە ئامۆژگارییەکانی ڕۆژئاوا نەدەگرت بۆ ئەوەی عەقڵیەتی خۆی ڕێکبخات.

ڕووسیا پشتگیری لە بەڕێوبەری جێبەجێکاری کۆمپانیای تێلێگرام دەکات دوای چەندین ساڵ فشار لەسەر دورۆڤ و وەبەرهێنانە تەکنۆلۆژییەکانی. دیمیتری پێسکۆڤ، ووتەبێژی کرێملین هەفتەی ڕابردوو ڕایگەیاند: هیچ دانووستانێک لەنێوان کرێملین و دورۆڤدا نەکراوە، کە پاسپۆرتی فەڕەنسی و ئیماراتی یەکگرتووی عەرەبیشیان هەیە. شتی سەرەکی ئەوەیە کە ئەوەی لە فەڕەنسا ڕوودەدات ناگۆڕێت بۆ هەراسانکردنی سیاسی.

سەرۆکی فەڕەنسا ڕەتیدەکاتەوە هیچ پەیوەندییەک بە سیاسەتەوە هەبێت، بەڵام لەلایەکی دیکەوە هەندێک تۆمەت هەیە.

ئێمانۆئێل ماکرۆن سەرۆکی فەڕەنسا ڕەتیدەکاتەوە هیچ پاڵنەرێکی سیاسی هەبێت بۆ دەستگیرکردنی ئەو خاوەنکارە تەکنۆلۆژییە.

بەگوێرەی ڕاپۆرتێکی ڕۆیتەرز، لاڤرۆڤ پێشتر هۆشداری دابوو کە دەستگیرکردنی دورۆڤ کە یەکەمین بەڕێوبەری جێبەجێکاری کۆمپانیایەکی تەکنۆلۆژییە، پەیوەندییەکانی نێوان مۆسکۆ و پاریسی بۆ نزمترین ئاستێکی نوێ نوقم کردووە.