پەیامی کورد   ...   ماکرۆن : باجەکانی ترامپ، گەلی ئەمریکا لاوازتر و هەژارتر دەکات.

سەرۆکی فەرەنسا ئاماژەی بەوەش کرد، ئەو باجە گومرگیانەی کە ئیدارەی ترامپ بەسەر ووڵاتانی جۆربەجۆردا سەپاندووە، گەلی ئەمریکا لاوازتر و هەژارتر دەکات.
ئێمانۆئێل ماکرۆن سەرۆک کۆماری فەرەنسا پێنجشەممە لە کاردانەوە بە باجی نوێی ئەمریکا لە دژی ووڵاتانی ئەورووپایی ووتی: ووڵامی ئەورووپا بۆ ئەم کارەی ئەمریکا دەبێ یەکگرتوو و ڕێژەیی بێت.

بە ووتەی هەواڵەکان ناوبراو ووتی : ئێمە باجی سیاسەتە بازرگانییەکانی ڕابردوومان دەدەین و دەبێت میکانیزمێک بۆ پاڵپشتی پیشەسازییە ئەورووپییەکان درووست بکەین.

ماکرۆن لە درێژەی قسەکانیدا ووتی : هەموو بژاردەکان لەسەر مێزدان بۆ ووڵامدانەوەی باجەکانی ئەمریکا. سەرۆکی فەڕەنسا ئاماژەی بەوەش کرد، ووڵامدانەوەی ئەورووپا بۆ باجەکانی ئەمریکا لە دوو قۆناغدا دەبێت، یەکەمیان لە ناوەڕاستی مانگی نیسان دا دەبێت (کەمتر لە دوو هەفتە ماوە). ناوبراو لە درێژەی قسەکانیدا ووتی : باجەکانی ترامپ دەبێتە هۆی لاوازی و هەژارتری گەلی ئەمریکا و کاریگەری زیاتری لەسەر ئابووری ئەمریکا دەبێت.