مه‌سروور بارزانی و باڵیۆزی فەڕەنسا هاوڕابوون لەسەر دەستپێکردنەوەی هەناردەکردنی نەوتی هەرێم لە زووترین کاتدا
پەیامی کورد ... مه‌سروور بارزانی و باڵیۆزی فەڕەنسا هاوڕابوون لەسەر دەستپێکردنەوەی هەناردەکردنی نەوتی هەرێم لە زووترین کاتدا
ئەمڕۆ چوارشەممە 9/25 ، مەسروور بارزانی، سەرۆکی حکوومەتی هەرێمی کوردستان، پێشوازی لە پاتریک دۆرێل، باڵیۆزی فەڕەنسا لە عێراق کرد.
لە دیدارەکەدا دوایین گۆڕانکاری و پێشهاتەکانی دۆخی گشتی عێراق و پەرەپێدانی پەیوەندی دوولایەنە تاووتوێ کرا.
لە بەشێکی دیکەی گفتوگۆکاندا، بیروڕا لەبارەی ئامادەکارییەکانی ئەنجامدانی هەڵبژاردنی پەرلەمانی کوردستان ئاڵوگۆڕ کرا.
هەردوولا هاوڕا بوون لەسەر بەڕێوەچوونی هەڵبژاردنێکی پاک و ئازاد و لە ژێر چاودێری نێودەوڵەتی و دوور لە پێشێلکاری.
هەروەها هاوڕا بوون لەسەر پێویستی دەستپێکردنەوەی هەناردەکردنی نەوتی هەرێمی کوردستان لە زووترین کاتدا، چوونکە وەستانی زیانێکی زۆری بە بوودجەی گشتی فیدرال گەیاندووە.
ئەم بابەتە 49836 جار خوێندراوەتەوە