مووساد : چەند هەفتەیەک پێش ٧ی تشرینی یەکەم ، یەکەم باری پەیجەرمان هاوردە کرد بۆ لوبنان
پەیامی کورد ... مووساد : چەند هەفتەیەک پێش ٧ی تشرینی یەکەم ، یەکەم باری پەیجەرمان هاوردە کرد بۆ لوبنان
بەرپرسی مووساد (سێشەممە) ووردەکارییەکانی ئۆپراسیۆنی تەقاندنەوەی پەیجەرەکانی لە لوبنان ڕاگەیاند.
بەگوێرەی ڕاپۆرتی پەیامی کورد ، دەیڤید بارنیا بەڕێوبەری مووساد لە مەراسیمی خەڵاتکردنی ئۆپراسیۆنی پەیجەر لە کۆنفرانسی پەیمانگای توێژینەوەی ئاسایشی ناوخۆ بۆ ساڵی ٢٠٢٥ ڕایگەیاند: ئۆپراسیۆنی پەیجەر نموونەیەکی ڕوونە بۆ جێبەجێکردنی ئەرکەکەمان و زانیارییەکی باشمان بۆ دوژمن نیشان دەدات. ئەم ئۆپراسیۆنە خاڵی وەرچەرخان بوو لە شەڕی باکووردا و بۆ ماوەی ١٠ ڕۆژ زەریای لە دژی دوژمنەکەمان وەرگێڕا.
ڕوونیشی کردەوە: یەکەم باری پەیجەر کە تەنها 500 ئامێری لەخۆگرتبوو، چەند هەفتەیەک پێش هێرشەکەی 7ی ئۆکتۆبەر گەیشتە لوبنان.
سەرۆکی مووساد ووتی : "هەموو ئەو ئامێر و پەیجەرە بێ وایەرانەی کە تەقینەوە، تەقەمەنی کەمتریان تێدابووە لە چاو مینێکی ئاسایی".
سەرۆکی مووساد هەروەها ووتی : دەکرێ پەیوەندییەکی ڕاستەوخۆ لە نێوان ئۆپراسیۆنی پەیجەر و تیرۆرکردنی نەسرۆڵڵا بە ڕێککەوتنی ئاگربەستەوە درووست بکرێت.
ئاماژەی بەوەشکردووە، زیاتر لە دە ساڵە پلانمان دانابوو بۆ تەقینەوەی ئەو ئامێرە پەیوەندییانەی کە ڕۆژێک دوای ئۆپراسیۆنی پەیجەر ڕوویدا.
ئەم بابەتە 73 جار خوێندراوەتەوە