پەیامی کورد   ...   میدیای ئیسرائیل : دۆحە داوای لە بەرپرسانی حەماس کردووە لەژێر فشاری ئەمریکادا قەتەر بەجێ بهێڵن

میدیایەکی ئیسرائیلی ڕۆژی هەینی بڵاویکردەوە، قەتەر لەژێر فشاری واشینتۆن داوای لە بەرپرسانی بزووتنەوەی حەماس کرد لە خاکی ئەو ووڵاتە بەجێ بهێڵن.

بەپێی ڕاپۆرتی کەناڵی کان لە ئیسرائیل، حکوومەتی قەتەر چەند جارێک بە بەرپرسانی حەماسی ڕاگەیاندووە، پێویستە ووڵات بەجێ بهێڵن. ئەم میدیایە ئیسرائیلییە بە پشت بەستن بە چەند سەرچاوەیەکی ئاگادار ئەم هەواڵەی بڵاوکردەوە.

کەناڵی تەلەفزیۆنی کان بڵاویکردەوە، سێ سەرچاوەی جیاواز بە ئەم میدیایەیان ڕاگەیاندووە کە ئەم پێشهاتانە لە چەند ڕۆژی ڕابردوودا ڕوویانداوە. یەکێک لەو سەرچاوانە ڕایگەیاند کە دەوحە لەژێر فشاری ئەمریکادایە بۆ دەرکردنی بەرپرسانی حەماس.