پەیامی کورد  ...  مەزڵووم عەبدی : ئێمە نامانەوێت ناوچەکەمان ببێتە شوێنی شەڕی نێوان ئەمریکا و ئێران

مەزلوم عەبدی فەرماندەی گشتی هێزەکانی سوریای دیموکرات (هەسەدە) لەگەڵ ئەلمۆنیتۆر قسەی کرد و سەبارەت بە هێرشەکانی گرووپە میلیشیاکانی ئێران لە ناوچەکانی ژێر دەسەڵاتی ئەوان ڕایگەیاند، ئەوان نایانەوێت ناوچەکەیان ببێتە ناوەندی… شەڕی نێوان  ئەمریکا و ئێران.

مەزلووم عەبدی ئاماژەی بەوەشکرد، گرووپە پەیوەندیدارەکان بە ئێران نەک هەر هێرشیان کردووەتە سەر بنکەکانی ئەمریکا، بەڵکو هێرشەکانیان بۆ سەر بنکەکانی هەسەدە دەستپێکردووە و زیانێکی زۆریان گەیاندووە.

عەبدی ڕایگەیاند، نایانەوێت ئەو ناوچانەی لە ژێر دەسەڵاتیاندا بن، شوێنی شەڕی نێوان ئەمریکا و ئێران بن و هەروەها بیری لە هەڵبژاردنەکانی سەرۆکایەتی ئەمریکا هێناوە، ئەگەر ترامپ هەڵبژێردرێتەوە، دۆخی ناوچەکە ئاڵۆزتر دەبێت و دەبێت پێشبینی نەکراو.

جگە لەوەش، عەبدی سەبارەت بە شەڕی غەززە وتی کە هێرشەکانی حەماس بە ئامانجگرتنی خەڵکی مەدەنی قبووڵکراو نییە و ڕایگەیاندووە، "نابێت کێشەکانی فەلەستین و کورد بە شەڕ و ململانێ چارەسەر بکرێن بەڵکوو بە دیالۆگ چارەسەر بکرێن".