پەیامی کورد    ...   مەسرور بارزانی : هەوڵ دەدەین پێش جەژن مووچەی مانگی ئادار دابەش بکرێت

مەسروور بارزانی، سەرۆکوەزیرانی هەرێمی کوردستان دەڵێت، دوای هەوڵ و کۆششێکی زۆر، بە هاوکاری هەردوو تیمی سەرۆک وەزیرانی حکوومەتی فیدراڵ و تیمی حکوومەتی هەرێمی کوردستان، تواندرا چارەسەرێکی گونجاو بۆ کێشەی خەرجکردنی مووچەی فەرمانبەران و مووچەخۆرانی هەرێم دابندرێت.

دەقی راگەیێندراوەکە:

دوای هەوڵ و کۆششێکی زۆر، بە هاوکاری هەردوو تیمی سەرۆک وەزیرانی حکوومەتی فیدرال و تیمی حکوومەتی هەرێمی کوردستان، توانرا چارەسەرێکی گونجاو بۆ کێشەی خەرجکردنی مووچەی فەرمانبەران و مووچەخۆرانی هەرێم دابندرێت.

سوپاسی سەرۆک وەزیرانی فیدراڵ موحەمەد شیاع سوودانی و هەموو ئەو هێز و لایەنانه دەکەم کە هاوکار بوون تاکوو پێکەوە بتوانین بە سەر ئەو کۆسپ و تەگەرانەدا زاڵ ببین.
لە ماوەی ڕابردوودا، هەوڵی زۆر دراوە کە هاووڵاتییانی هەرێم نائومێد بکرێن، بۆیە جارێکی دیکەش سوپاسی خۆڕاگری فەرمانبەران و مووچەخۆرانی هەرێم دەکەم.

لەم دوو ڕۆژەدا دابەشکردنی مووچەی مانگی شوبات کۆتایی دێت و هەوڵ دەدەین بەر لە جەژن، دەست بە دابەشکردنی مووچەی مانگی ئاداریش بکرێت.

مەسروور بارزانی
سەرۆکی حکوومەتی هەرێمی کوردستان
2024/4/3