مەسروور بارزانی، پێشوازی لە باڵیۆزی تایلاند لە ئوردن و عێراق کرد
پەیامی کورد ... مەسروور بارزانی، پێشوازی لە باڵیۆزی تایلاند لە ئوردن و عێراق کرد
ئەمڕۆ چوارشەممە 8/28، مەسروور بارزانی، سەرۆکی حکوومەتی هەرێمی کوردستان ، پێشوازی لە سوپارک پرۆنگسورە، باڵیۆزی شانشینی تایلاند لە ئوردن و عێراق کرد.
لە دیدارەکەدا گفتوگۆ لەبارەی پەرەپێدانی پەیوەندی دوولایەنە، بەتایبەتی لە بوارەکانی ئاڵوگۆڕی بازرگانی و کشتوکاڵ و گەشتوگوزاردا کرا.
باڵیۆزی تایلاند ئاماژەی بە مەبەستی سەردانەکەی دا، کە لەگەڵ شاندێکی بازرگانی تایلاندی هاتوون، بۆ برەودان بە پەیوەندی بازرگانی و ئابووری لەگەڵ حکوومەتی هەرێمی کوردستان.
سەرۆکی حکوومەت خواستی هەرێمی کوردستانی بۆ پەرەپێدانی پەیوەندی دوولایەنە لەسەر بنەمای بەرژەوەندی هاوبەش دەربڕی.
ئەم بابەتە 92110 جار خوێندراوەتەوە