مەسروور بارزانی پێشوازی لە کونسووڵی گشتی ئاڵمانیا کرد
پەیامی کورد ... مەسروور بارزانی پێشوازی لە کونسووڵی گشتی ئاڵمانیا کرد
دووشەممە ٢٦-٨، مەسروور بارزانی، سەرۆکی حکوومەتی هەرێمی کوردستان، پێشوازی لە کلاوس شترایشەر، كونسووڵی گشتی ئاڵمانیا لە هەرێمی كوردستان کرد، بە بۆنەی کۆتایی هاتنی ئەرکەکەی.
سەرۆکی حکوومەت سوپاسی کونسووڵی گشتی و حکوومەت و گەلی ئوڵمانیای کرد بۆ پەیوەندی دۆستانە و پشتیوانی کردنی هەرێمی کوردستان، هەروەها خواستی پەرەپێدانی زیاتری پەیوەندی دوولایەنەی دووپات کردەوە.
کونسووڵی گشتی ئاڵمانیا پێزانینی بۆ پشتگیری و هەماهەنگی لایەنە پەیوەندیدارەکانی حکوومەتی هەرێمی کوردستان لەگەڵ کونسووڵخانە دەربڕی و ئامادەیی ووڵاتەکەی بۆ بەهێزترکردنی پەیوەندییەکان لەگەڵ هەرێمی کوردستان لە بوارە جۆراوجۆرەکاندا نیشاندا.
ئەم بابەتە 94706 جار خوێندراوەتەوە