نێچیرڤان بارزانى و سوودانى تاوتوێى په‌یوه‌ندییه‌كانى هه‌ولێر و به‌غدا ده‌كه‌ن
پەیامی کورد ... نێچیرڤان بارزانى و سوودانى تاوتوێى په‌یوه‌ندییه‌كانى هه‌ولێر و به‌غدا دەکەن
ئێواره‌ى سێشه‌ممه 2024/5/14، نێچیرڤان بارزانى، سه‌رۆكى هه‌رێمى كوردستان له به‌غدا له‌گه‌ڵ محه‌ممه‌د شیاع سوودانى، سه‌رۆك وه‌زیرانى عێراقى فیدڕاڵ كۆبووه‌وه.
له كۆبوونه‌وه‌كه‌دا ده‌رباره‌ى دۆخى گشتی عێراق و هه‌رێمى كوردستان و پرسه هاوبه‌شه‌كانى هه‌ردوولا بیروڕایان گۆڕییەوه، هه‌روه‌ها باسیان له به‌رنامه‌ى كارى حكوومه‌تى عێراقى فیدڕاڵ و پلان و ستراتیژى پێش خستنى ئابوورى و په‌ره‌پێدان له ته‌واوى عێراق كرد.
له ته‌وه‌رێكى دیكه‌ى كۆبوونه‌وه‌كه‌دا چه‌ند دۆسیە و پرسێكى هاوبه‌شى نێوان حكوومه‌تى عێراقى فیدڕاڵ و حكوومه‌تى هه‌رێمى كوردستان خرانه به‌ر باس و جه‌خت له به‌رده‌وامی گفتوگۆى هه‌ردوولا له هه‌موو بواره‌كاندا كرایه‌وه بۆ گه‌یشتن به چاره‌سه‌رى به‌رده‌وام له‌سه‌ر بنه‌ماى ده‌ستوور و یاسا.
ئەم بابەتە 50826 جار خوێندراوەتەوە