نێچیرڤان بارزانى پێشوازى له میرى یەزیدییان كرد
پەیامی کورد ... نێچیرڤان بارزانى پێشوازى له میرى یەزیدییان كرد
سێشه‌ممه 2024/5/28 نێچیرڤان بارزانى، سه‌رۆكى هه‌رێمى كوردستان، له دیدارێكدا له‌گه‌ڵ میر حازم ته‌حسین به‌گ میرى ئێزدییان له كوردستان و عێراق و جیهان، پشتگیری خۆى بۆ میر و ته‌واوى مافه‌كانى ئێزدییان دووپات كرده‌وه.
له دیداره‌كه‌دا هه‌ردوولا ده‌رباره‌ى دۆخى ئێزدییان و مافه‌كانیان له هه‌رێمى كوردستان و عێراق بیروڕایان گۆڕییه‌وه و جه‌ختیان له پێویستی خزمه‌تكردنى باشترى هاووڵاتییانى ئێزدى له هه‌موو ڕوویه‌كه‌وه كرده‌وه.
دۆخى ناوچه‌ى شه‌نگال و ئاواره ئێزدییه‌كان و ژیان و گوزه‌رانیان له كه‌مپه‌كان، ته‌وه‌رێكى دیكه‌ى دیداره‌كه بوو.
ئەم بابەتە 43307 جار خوێندراوەتەوە