پەیامی کورد   ...   هاشم سەفیەدین وەک جێگرەوەی نەسرۆڵڵا و ڕابەری نوێی حیزبۆڵڵا هەڵبژێردرا

کاناڵی ئەلعەرەبییە ڕایگەیاند هاشم سەفییەدین یەکێک لە دامەزرێنەرانی حیزبۆڵڵای لوبنان لەلایەن شەورای ڕابەری ئەم گرووپەوە وەک جێگرەوەی حەسەن نەسرۆڵڵا هەڵبژێردرا.

هاشم سەفیەدین کوڕە پووری حەسەن نەسرۆڵڵا و باوکی ڕەزا سەفییەدین هاوسەری زەینەب سلێمانی کچی قاسم سلێمانی فەرماندەی پێشووی لقی قودسی سپای پاسدارانە.

هاشم سەفیەدین ماوەیەک لە "حەوزەی عێلمییە"ی قوم خوێندویەتی و وەک یەکێک لە پشتیوانانی ئیدئۆلۆژی "ویلایەتی فەقێ" دەناسرێت.

سەفیەدین پەیوەندییەکی تووندوتۆڵی لەگەڵ تاراندا هەیە و ڕۆڵێکی سەرەکی لە سیاسەتەکانی حیزبۆڵڵا بەتایبەتی لە بەشی ئەمنییەتی ئەم گرووپەدا هەیە.

ناوبراو لە ساڵی ٢٠١٧ خراوەتە نێوە لیستەی تێرۆریستی ئەمریکا و عەرەبستان و هاوشێوەی ئاخوندە تووندئاژۆوەکانی تاران خوازیاری لەناوچوونی ئیسرائیل ە.