واشینتۆن : زیاتر لە ٧٥٪ کەشتییە ئەمریکییەکانی خۆیان لە کەناڵی سوێز بە دوور دەگرن
پەیامی کورد ... واشینتۆن : زیاتر لە ٧٥٪ کەشتییە ئەمریکییەکانی خۆیان لە کەناڵی سوێز بە دوور دەگرن
مایك والتز ڕاوێژكاری ئاسایشی نیشتمانی ئه‌مریكا یه‌كشه‌ممه رایگه‌یاند، سێ له‌سه‌ر چواری ئه‌و هاتووچۆیه‌ی كه‌شتیوانی كه پێشتر به كه‌ناڵی سوێز دا تێده‌په‌ڕی، ئێستا به‌هۆی ئه‌و هێرشانه‌ی كه له‌لایه‌ن حووسییه‌كانه‌وه له ده‌ریای سوور ئه‌نجام دراون، ناچاربوون ڕێگایان بگۆڕن و به كه‌نارئاوه‌كانی باشووری ئه‌فریقیادا ترانزێت بكه‌ن .
مایك والتز له چاوپێكه‌وتنێكدا له‌گه‌ڵ كه‌ناڵی سی بی ئێس نیووز رایگه‌یاندوه، "به‌ڕێژه‌ی 75%ی باره ده‌ریاییه‌كان كه ئاڵای ئه‌مریكایان له‌سه‌ره، چیتر له كه‌ناڵی سوێزدا تێناپه‌ڕن، له‌بری ئه‌وه ڕێگایه‌كی درێژتر هه‌ڵده‌بژێرن، كه ئه‌مه‌ش ته‌حه‌دایه‌كی گه‌وره‌یه بۆ بازرگانی جیهانی و ئاسایشی نیشتمانی ئه‌مریكا".
مایك والتز ڕه‌خنه‌ی له سیاسه‌تی ئیداره‌ی پێشووی ئه‌مریكا گرت له مامه‌ڵه‌كردن له‌گه‌ڵ هه‌ڕه‌شه‌كانی حووسییه‌كان و ئاماژه‌ی به‌وه‌دا، دۆناڵد ترامپ سه‌رۆكی ئه‌مریكا "لێدانی تووندی له حووسییه‌كان داوه"، له‌كاتێكدا ئیداره‌ی سه‌رۆك جۆو بایدن هه‌مان هه‌نگاوی په‌یڕه‌و نه‌كردوه.
مایك والتز ئاماژه‌ی به‌وه‌شكرد، هێشتنه‌وه‌ی ڕێڕه‌وی ده‌ریایی به كراوه‌یی و دڵنیابوون له به‌رده‌وامی بازرگانی له پێشینه‌ی كاره سه‌ره‌كییه‌كانی ئاسایشی نیشتمانی ئه‌مریكان، به له‌به‌رچاوگرتنی توانا سه‌ربازییه پێشكه‌وتوه‌كانی حووسییه‌كان، له‌وانه‌ش مووشه‌كی كرووز و بالیستیك و سیسته‌می به‌رگری ئاسمانی پێشكه‌وتوو، كه به ووته‌ی خۆی، "هه‌موو ئه‌مانه له‌لایه‌ن ئێران ه‌وه دابین كراون".
له كۆتایی هه‌فته‌ی ڕابردوه‌وه واشینتۆن هه‌ڵمه‌تێكی ئاسمانی دژی حووسییه‌كان ئه‌نجامداوه و ڕۆژی شه‌ممه 53 كه‌س كوژراون و 98 كه‌سی دیكه‌ش برینداربوون، حووسییه‌كان ووڵامیان دایه‌وه و چه‌ندین جار كه‌شتییه‌كی فڕۆكه‌هه‌ڵگری ئه‌مریكییان له ده‌ریای سوور كرده ئامانج .
هاوكات له‌گه‌ڵ ئه‌م لێدوانانه، دۆناڵد ترامپ، سه‌رۆكی ئه‌مریكا ڕۆژی چوارشه‌ممه سوێندی خوارد "به‌ته‌واوی حووسییه‌كان له‌ناو ببات".
ئەم بابەتە 33 جار خوێندراوەتەوە