وه‌زاره‌تی ناوخۆی حكوومه‌تی هه‌رێمی كوردستان ڕێنمایی جێبه‌جێكردنی سه‌پاندنی قه‌ده‌غه‌ی هاتووچۆ ڕادەگەێنێت
پەیامی کورد ... وه‌زاره‌تی ناوخۆی حكوومه‌تی هه‌رێمی كوردستان ڕێنمایی جێبه‌جێكردنی سه‌پاندنی قه‌ده‌غه‌ی هاتووچۆ ڕادەگەێنێت
وه‌زاره‌تی ناوخۆی حكوومه‌تی هه‌رێمی كوردستان ڕێنمایی جێبه‌جێكردنی سه‌پاندنی قه‌ده‌غه‌ی هاتووچۆ له ڕۆژانی 20 و 21ی ئه‌م مانگه بۆ ئه‌نجامدانی سه‌رژمێری گشتی دانیشتوان بڵاوده‌كاته‌وه و به‌گوێره‌ی رێنماییه‌كانیش،
وه‌زاره‌تی ناوخۆی حكومه‌تی هه‌رێم بڵاویكرده‌وه، "بۆ مه‌به‌ستی جێبه‌جێكردنی پرۆسه‌ی سه‌رژمێریی گشتیی دانیشتوان ئاڤاهییا به سه‌ركه‌وتویی و ئاسانكاری له جوڵه و هاتوچۆی بژمێر و تیمه‌كانی مه‌یدانی كه بۆ جێبه‌جێكردنی پرۆسه‌ی سه‌رژمێری ڕاسپێردراون، هه‌روه‌ها لایه‌نه یارمه‌تیده‌ره‌كانی ده‌زگا ئه‌منییه‌كان له ماوه‌ی سه‌پاندنی قه‌ده‌غه‌ی هاتووچۆ له رۆژانی 20 و 21ی (تشرینی دووه‌م/11)ی 2024 ئه‌م ڕێنمایی یانه‌مان ده‌ركرد:
ده‌قی رێنماییه‌كانی وه‌زاره‌تی ناوخۆی حكوومه‌تی هه‌رێم:
یه‌كه‌م:
سه‌پاندنی قه‌ده‌غه‌ی هاتووچۆ له نیوه‌شه‌وی (19-20)ی تشرینی دووه‌م له كاتژمێر (12:00)ی شه‌و ده‌ست پێده‌كات و تاوه‌كوو كاتژمێر (12:00)ی شه‌وی (22/21)ی تشرینی دووه‌م به‌رده‌وام ده‌بێت به هه‌رێمی كوردستانیشه‌وه.
دووه‌م:
جووڵه‌ی هاونیشتمانییان و ئۆتۆمبێل له كاتی جێبه‌جێكردنی قه‌ده‌غه‌ی هاتووچۆ سونوردار ده‌كرێت (له نێوان پارێزگاكان، قه‌زاكان و ناحیه‌كان و له نێوان شارنشین و گوندنشین، یاخود له نێوان ناحیه و قه‌زا و به پێچه‌وانه‌وه)، جگه له حاڵه‌ته مرۆیی و زۆر پێویسته‌كان و بارودۆخی سرووشتی و ئه‌منی.
سێیه‌م:
لایه‌نه ئه‌منییه‌كان و به‌ڕێوبه‌رایه‌تییه‌كانی ئامار له پارێزگاكان و ئیداره‌كان سه‌رجه‌م (بژمێره‌كان، به‌ڕێوبه‌ری گه‌ڕه‌ك/گوند و یاریده‌ده‌ره‌كانیان، سه‌رپه‌رشتیاران و چاودێران) به فه‌رمی ڕێگه‌یان پێده‌ده‌رێت، هه‌روه‌ها ڕێگه به فه‌رمانبه‌رانی وه‌زاره‌تی پلاندانان ده‌درێت بۆ جووڵه و هاتووچۆكردن بۆ مه‌به‌ستی كاری سه‌رژمێری. به هه‌مان شێوه، ڕۆژنامه‌نووسان و ڕاگه‌یاندكاران كه لایه‌نه فه‌رمییه‌كان ڕێگه‌یان پێ داوه و سه‌ندیكای ڕۆژنامه‌نووسان و هه‌ڵگری باجی ناساندنن له دو ڕۆژی قه‌ده‌غه‌ی هاتوwچۆدا ڕێگه‌پێدراون.
چواره‌م:
هه‌موو ئه‌و كه‌سانه‌ی كه ئه‌ركیان پێ سپێردراوه و له ئێشگگریدان له قه‌ده‌غه‌ی هاتووچۆ به‌ده‌رن، وه‌ك كارمه‌ندانی ته‌ندرووستی و پزیشكی و خزمه‌تگوزاری كه له فه‌رمانگه و دامه‌زراوه حكوومییه‌كانن و به پێی مووڵه‌تی فه‌رمی فه‌رمانگه‌كه و پێش ڕێكه‌وتی قه‌ده‌غه‌ی هاتووچۆ بۆ به‌رژه‌وه‌ندی گشتی داوای كار و ئاماده‌بونیان لێكراوه.
پێنجه‌م:
هاتووچۆی ئۆتۆمبێلی فریاكه‌وتن، به‌رگری شارستانی، ده‌وریه‌ی هاتووچۆ و فریاگوزاری و ئۆتۆمبێله‌كانی به‌ڕێوبه‌رایه‌تی شاره‌وانی و خزمه‌تگوزارییه‌كان له قه‌ده‌غه‌ی هاتووچۆ به‌ده‌رن.
شه‌شه‌م:
قه‌ده‌غه‌ی هاتووچۆ باڵیۆزخانه‌كان، نێرده دیپلۆماسییه‌كان، ده‌زگا نێوده‌وڵه‌تییه‌كان و ڕێكخراوه‌كانی نه‌ته‌وه یه‌كگرتوه‌كان ناگرێته‌وه.
ئەم بابەتە 22 جار خوێندراوەتەوە