پەیامی کورد   ...   وەزیری دەرەوەی ئیسرائیل : به وتووێژەکانی نێوان ئەمریکا و ئێران تووشی سەرسووڕمان نابین

وەزیری دەرەوەی ئیسرائیل به دووپات کردنەوەی ئەو بانگەشەی که ئامانجی سەربازی له بەرنامەی ئەتۆمی ئێراندا هەیه ، ووتی: ڕژیم ڕێگەی دیپلۆماسی بۆ ڕێگرتن له ئێران له به دەستهێنانی چەکی ئەتۆمی ڕەت ناکاتەوه .

بە پێی ڕاپۆرتێک گیدۆن ساعر، وەزیری دەرەوەی ئیسرائیل کە سەفەری بۆ پاریس کردووە، پێنجشەممە ڕایگەیاند کە تەلئەڤیڤ ڕێگای دیپلۆماسی بۆ ڕێگریکردن لە دەستکەوتنی ئێران بە چەکی ئەتۆمی ڕەت ناکاتەوە، ئاماژەی بەوەشکرد، ئاماژەکان بۆ ئەگەری دانووستانی ناڕاستەوخۆی نێوان تاران و ئەمریکا هەیە.
ئیسرائیل ، وەک هاوپەیمانی سەرەکی خۆی، ئەمریکا، بانگەشەی ئەوە دەکات کە ئامانجی سەربازی لە بەرنامە ئەتۆمییەکەی ئێراندا هەیە.

ئەمە لە کاتێکدایە کە کاربەدەستانی ئێران جەختیان لە بەرگری بەهێز لە بەرنامەی ئاشتیانەی ئەتۆمی ئێران کردووەتەوە، هاوکات ڕایانگەیاندووە کە بەرهەمهێنان و بەکارهێنانی چەکی ئەتۆمی بە پێی فەتوای ڕابەری باڵای ئێران هیچ جێگایەکی لە دوکتورینی بەرگری ئێراندا نییە.

لە لایەکی دیکەوە، بەرنامەی ئەتۆمی ئێران لە ژێر تووندترین بەرنامەی پشتڕاستکردنەوە و چاودێریی ئاژانسی نێودەوڵەتی ووزەی ئەتۆمی دایە و ئەم ڕێکخراوە نێودەوڵەتییە تا ئێستا لە ڕاپۆرتە زۆرەکانی خۆیدا سەبارەت بە چالاکی ئەتۆمی ئێران، ڕاستی بانگەشەیەکی لەو شێوەیەی نەسەلماندووە و پشتڕاستی نەکردووەتەوە.

بە گێڕانەوە لە ڕۆیتەرز ڕاپۆرتی دا کە ساعر ووتی: وەک دەزانن ئێمە دانووستان لەگەڵ ئێرانییەکان ناکەین، بەڵام ئەوان بە ڕوونی ڕایانگەیاندووە کە ئامادەن بۆ دانووستانی ناڕاستەوخۆ لەگەڵ ئەمریکا و پێم سەیر نابێت ئەگەر دانووستانێکی لەو شێوەیە دەست پێ بکات.

ووتەکانی ساعر دوای ئەوە دێت کە سەید عەباس عێراقچی وەزیری دەرەوەی ئێران لەم دواییانەدا ڕایگەیاند کە ووڵامی ئێران بۆ نامەکەی ئەم دواییەی ترامپ بۆ ئێران گەیشتووەتە شوێنی مەبەست.

ماڵپەڕی هەواڵی ئاکسیووس بڵاویکردەوە، بەرپرسێکی ئەمریکی پشتڕاستی کردەوە کە لە چەند ڕۆژی ڕابردوودا، ترامپ ووڵامی فەرمی ئێرانی بۆ نامەیەک وەرگرتووە کە سێ هەفتە لەمەوبەر بۆ ئێرانی ناردووە. لە کاتێکدا ترامپ پێشنیاری دانووستانی ڕاستەوخۆی ئەتۆمی کردبوو، ئێران تەنیا ڕازی بوو بە دانووستانی ناڕاستەوخۆ بە نێوەندگیری عوممان.

ئەو بەرپرسە ئەمریکییە ئاماژەی بەوەش کرد، ئیدارەی ترامپ پێی وایە دانووستانە ڕاستەوخۆکان ئەگەری سەرکەوتنیان زیاترە، بەڵام چوارچێوەی پێشنیارکراوی ئێران ڕەت ناکاتەوە و ناڕەزایی نییە بەرامبەر بە نێوەندگیری عوممان لە نێوان هەردوو ووڵاتدا، وەک ئەوەی لە ڕابردوودا هەبووە.

بەڵام بە ووتەی بەرپرسانی ئەمریکی کە ئاگاداری ئەو پرۆسە دیپلۆماسیانە بوون، تا ئێستا هیچ بڕیارێک نەدراوە و گفتوگۆ ناوخۆییەکان بەردەوامن.

سەبارەت بە دانووستانی ڕاستەوخۆ لەگەڵ ئەمریکا، عێراقچی ووتی: هۆکاری ئەو هەڕەشانەی کە دەکرێن و ئەمەش لە ڕاستیدا ووڵامێکە بۆ قسەی ناشرینی ئەمریکی، ئەوەیە کە ئێمە لە هەڵوێستی چەوسانەوە دانووستان ناکەین و هەمیشە ئامادەبووین و ئامادەین لە هەڵوێستێکی یەکسانەوە دانووستان بکەین.