پەیامی کورد    ...    ٥ نەخۆشی کە چاوەڕێی ئەو کەسانە دەکەن کە نامۆن بە وەرزش

پزیشکان هۆشداری دەدەنە ئەو کەسانەی کە وەرزش ناکەن لە ڕۆتینی ڕۆژانەیاندا و دەڵێن بەلایەنی کەمەوە 5 نەخۆشی چاوەڕێیان دەکەن.

نادیە زاکاڵوەند: پزیشکان و توێژەرانی ئەکادیمیای ئەمریکی بۆ دەمارەکان باسیان لە سوودەکانی وەرزشکردن و مەترسییەکانی ناچالاکی کردووە و لە توێژینەوەکانی ئەم دوایی یاندا گەیشتوونەتە ئەو ئەنجامەی کە ئەو کەسانەی گرینگی بە وەرزشکردن نادەن ئەگەری تووشبوونیان بە پێنج جۆر نەخۆشی زیاترە.

سوودە گشتیەکانی وەرزشکردن

سوودەکانی وەرزشکردن بریتین لە دابەزاندنی کێش، بەهێزکردنی ماسولکەکان، کەمکردنەوەی مەترسی تووشبوون بە نەخۆشییە جۆراوجۆرەکان، بەتایبەتی نەخۆشییەکانی دڵ و خوێنبەرەکان. وەرزشکردن کوالیتی ژیانی مرۆڤ و تەمەن درێژی مرۆڤ زیاد دەکات. وەرزشە جۆراوجۆرەکان، لە تۆپی پێ و بالە تا دەگاتە پیاسەکردن و ڕاکردن لە ڕۆژدا، ماسوولکەکانی لەش بەهێز دەهێڵنەوە و بەشدارن لە تەندرووستی دڵ و خوێنبەرەکان.

مەترسییەکانی وەرزش نەکردن

توێژەرانی ئاکادیمیای ئەمریکی بۆ نەخۆشییەکانی دەمار هۆشداری دەدەنە خەڵک کە نەبوونی جووڵە و چالاکی جەستەیی پێویست ئەگەری تووشبوون بە نەخۆشییە جۆراوجۆرەکان زیاد دەکات. دوای لێکۆڵینەوە لە زیاتر لە 73 هەزار خۆبەخشی پشکنین، توێژەران گەیشتنە ئەو ئەنجامەی کە ئەو کەسانەی وەرزش ناکەن ئەگەری تووشبوونیان بە نەخۆشییە جۆراوجۆرەکان زیاترە، لەوانە نەخۆشی بیرچوونەوە، جەڵتەی مێشک و جەڵتەی دڵ، دڵەڕاوکێ، خەمۆکی و تێکچوونی خەو.

ئەم توێژینەوەیە دەریخستووە ئەو کەسانەی کە چالاکی جەستەیی مامناوەند یان بەهێز دەکەن، ئەگەری تووشبوونیان بەم نەخۆشییە مەترسیدارانە بە ڕێژەی لەسەدا ١٤ بۆ ٤٠ کەمترە، بە بەراورد بەو کەسانەی کە چالاکییەکی کەم یان هیچ چالاکییەکیان ئەنجام نەداوە.