پەیامی کورد    ...   پاشماوەی شەڕی ئێران و عێراق جارێكی دیكە قوربانی لێكەوتەوە/ برینداربوونی دوو هاووڵاتی خەڵکی مێهران بەهۆی تەقینەوەی مین

ڕۆژی سێشەممە، ١۵ڕەشەمەی ١٤٠٢، ژن و مێردێک بەهۆی تەقینەوەی مینێکی بەجێماوی سەردەمی شەڕی هەشت ساڵەی نێوان ئێران و عێراق لە سنووری مێهران، بەسەختی بریندار بوون.

ئەم دوو هاووڵاتییە کە هێشتا ناسنامەكەیان ئاشکرا نەبووە، لە نزیکی دەروازەی سنووری شاری مێهران بریندار بوون.

شایانی باسە کە دوای برینداربوونی ئەو ژن و مێردە، بەمەبەستی تیمارکردن و چارەسەری پزیشکی بۆ نەخۆشخانەی "ئیمام حسێن"ی شاری مێهران گواستراونەتەوە و تا کاتی داڕشتنی ئەم هەواڵە، زانیاری زیاتر لەسەر بارودۆخ و تەندرووستییان لە بەردەستدا نییە.

ئەم بابەتە 11529 جار خوێندراوەتەوە