پەیامی کورد    ...   پووتین : داواکارین بەتەواوی کۆتایی بە ململانێی ئۆکراین بهێنرێت

ڤلادێمیر پووتین سەرۆکی ڕووسیا لە کۆنگرەیەکی ڕۆژنامەوانی هاوبەشدا لەگەڵ سەرۆکوەزیرانی هەنگاریا ڕایگەیاند : نابێت ئاگربەستێکی کاتی هەبێت بۆ ئەوەی ڕژێمی کیێڤ ئەم پچڕانە بۆ کۆکردنەوەی هێزەکانی و چەکدارکردنی خۆی بەکاربهێنێت. ڕووسیا دەیەوێت کۆتایی بەم ململانێیە بەتەواوی بهێنێت.

سەرۆک وەزیران ئۆربان چەند پێشنیارێکی پێشکەش کردووە و داوای ئاگربەست دەکات بۆ ئەوەی زەمینەسازی بۆ دانووستان لەگەڵ ڕووسیا بکرێت.

ئۆکراین لەگەڵ بیرۆکەی ئاگربەستدا نییە؛ چوونکە لەو حاڵەتەدا زەمینەی درێژکردنەوەی یاسای سەربازی لادەبرێت.

سەرۆکوەزیرانی هەنگاریا ڕایگەیاند : هەڵوێستی ڕووسیا و ئۆکراین زۆر دوورن لە یەکتر.

ململانێی ئۆکراین کاریگەری لەسەر ئابووری ئەورووپاش هەبووە.