پەیامی کورد   ...   پۆلیتیکۆ: مایکل ئەنتۆن سەرکردایەتی دانووستانە تەکنیکییەکانی ئەمریکا لەگەڵ ئێران دەکات

مایکل ئەنتۆن سەرکردایەتی تیمێکی نزیکەی دەیان کەسی دەکات، کە لە بەشە جیاوازەکانی حکوومەت دا کاردەکەن.
بەگوێرەی ڕاپۆرتی پۆلیتیکۆ، واشینتۆن مایکل ئەنتۆنی بەرپرسی باڵای وەزارەتی دەرەوەی ئەمریکای وەک سەرۆکی تیمی تەکنیکی ئەمریکا لە دانووستان لەگەڵ ئێران دەستنیشان کردووە.
بڵاوکراوەکە بانگەشەی کردووە کە ئەنتۆن سەرکردایەتی تیمێک دەکات کە نزیکەی دەیان کەسی تێدایە، کە لە بەشە جیاوازەکانی حکوومەت دا کاردەکەن.
مایکل ئەنتۆن بەڕێوبەری پلاندانانی سیاسەت لە وەزارەتی دەرەوەی ئەمریکایە و لە ماوەی یەکەم خولی سەرۆکایەتی ترەمپدا لە ساڵی ٢٠١٧ تا ٢٠٢١ ووتەبێژی ئەنجوومەنی ئاسایشی نیشتمانی کۆشکی سپی بووە.
هەروەها لە ئەنجوومەنی ئاسایشی نەتەوەیی سەرۆکی پێشووی ئەمریکا جۆرج بوش کاری کردووە.