پەیامی کورد   ...   پەیامی سەرۆکوەزیران مەسروور بارزانی لە کەرنەڤاڵی نەورۆز لە ئاکرێ

سەرۆکی حکوومەتی هەرێمی کوردستان لە کەرنەڤاڵی نەورۆز لە ئاکرێ ووتارێکی پێشکەش کرد و رایگەیاند: هیچ ساڵێک لە هیچ شوێنێک وەک ئاکرێ یادی جەژنی نەورۆز نەکراوەتەوە و و دەمانەوێت ئاکرێ ببێتە بنکەی یادکردنەوەی جەژنی نەورۆز.

هەروەها سەرۆکوەزیران مەسروور بارزانی سەرەخۆشی لە کەسوکاری ئەو کەسانەی لە لافاوەکەی دهۆک و زاخۆ گیانیان لەدەستدا و ئاماژەی بەوەشکرد، هەموو هەوڵی خۆمان دەدەین بۆ قەرەبووکردنەوە و کەمکردنەوەی ئازاری ئەوانەی بەهۆی لافاوەکەوە زیانیان پێگەیشتووە.

هاوکات سەرۆکوەزیران مەسروور بارزانی سوپاسی خۆڕاگری خەڵکی هەرێمی کوردستان دەکەم کە بەهۆی کێشەی مووچەوە و ووتی: هەرچەندە کێشەی ئێمە تەنیا مووچە نییە و دڵنیاییش دەدەم لەگەڵ سەرۆکوەزیرانی فیدراڵ لەسەر هێلم و لە چەند رۆژی داهاتوودا ئەو کێشەیە بە تەواوی چارەسەربکرێت و چیتر نەبێتە گرفت.

سەرۆکی حکوومەتی هەرێمی کوردستان ئاماژەی بەوەکرد: نەورۆز رۆژێکی مێژوویی و نەتەوەیی یە و لەم رۆژەدا پەیمان دەدەینە خوای خۆمان و بەڵێن دەدەینە خوێنی شەهیدان کە بەرگری لە ماف و ئازادی و دەستەکەوتەکانی خۆمان و کیانی کوردستان بکەین و رووبەڕووی ستەم و بێ دادی و گەندەڵی و نادادی دەبینەوە.