پەیامی کورد   ...  پەیامێکی گرینگ لە سەرۆک بارزانی یەوە 

سەرۆک بارزانی پەیامێکی لەبارەی دۆخی ئەم دواییەی سووریا راگەیاند کە ئەمە دەقەکەیەتی:

بە ناوی خودای بەخشندە و میهرەبان

بە بایەخێکی زۆرەوە بەدواداچوون بۆ ڕووداو و گۆڕانکارییەکانی ئەم دواییە دەکەین کە لە سووریا ڕوو دەدەن، چوونکە ئەو پێشهات و ڕووداوانە کاریگەری ڕاستەوخۆی لەسەر چارەنووسی سیاسی و ئاسایش و سەقامگیری سووریا و تێکڕای ناوچەکەمان هەیە.

هیوادارین پێشهات و گۆڕانکارییەکانی سووریا لە ئەنجامدا ببنە هۆی ئەوەی گفتوگۆ و لێکتێگەیشتن ببێتە بنەمای چارەسەرکردنی کێشەکان و ڕەفتارێکی وا ئەنجام نەدرێت کە ناکۆکی و گرفتی نەتەوەیی و تایفی لەنێو پێکهاتەکانی سووریا قووڵ بکاتەوە.
هەروەها ئومێدی ئەوە دەخوازین لایەنەکان بە شێوەیەکی ئاشتیانە بگەنە ڕێککەوتنێک کە لە بەرژەوەندیی سەرجەم پێکهاتەکانی سووریا و پێکەوەژیان و ئاشتی و سەقامگیرییدا بێت.

مەسعوود بارزانی
7ی کانوونی یەکەمی 2024

ئەم بابەتە 103 جار خوێندراوەتەوە