پەیامی کورد   ...   چرچبوونی دەموچاو بەهۆی یەکێک لەم نەخۆشیانەوە درووست دەبێت

دەرکەوتنی چرچ و لۆچی دەموچاوت بەهۆی پیریەوە دیاردەیەکی سرووشتییە؛ بەڵام هەندێک لەو چرچ و لۆچیانە هێندە ووردە ووردە قووڵتر دەبنەوە کە ناتوانرێت تەنها بۆ پیربوون بگەڕێنرێتەوە.

ئەم هێڵە قووڵانە ئاماژەن بۆ کێشەی تەندرووستی جیددی و پێویستە گرینگییەکی تایبەتیان پێبدرێت. چرچی دەموچاو هۆشداری دەدات لە شەش حاڵەتی پزیشکی:

نەخۆشییەکانی دڵ: بەگوێرەی توێژینەوەیەک، چرچی قووڵی پێشەوە دەتوانێت نیشانەی ڕەقبوونی خوێنبەرەکان و ڕەقبوونی خوێنبەرەکان و دواجار نەخۆشییەکانی دڵ بێت. چرچی و ڕەقبوونی خوێنبەرەکان هەردووکیان پەیوەندییەکی نزیکیان بە فشارەوە هەیە. هەروەها خوێنبەرەکانی ناو پێشەوە ناسکترن لە بەشەکانی تری لەش و مەترسی دروستبوونی پلاکی تێدا زیاترە.

بەرزی پەستانی خوێن: لێکۆڵینەوەکان دەریانخستووە ئەو خانمانەی دەموچاویان گەنجترە لە هاوتەمەنەکانیان پەستانی خوێنیان کەمترە. ئەم خانمانە سیستەمی خوێنبەرەکانیان تەندروستە و ئەمەش پێستیان دەپارێزێت. بەڵکو ئەوانەی هەڵگری چرچ و لۆچی قووڵترن لەسەر دەموچاویان زۆرجار کێشەی پەستانی خوێنیان هەیە.

شێوازی ژیانی ناتەندروست: هێڵەکانی سەر دەموچاوت دەتوانن نیشانەیەک بن بۆ شێوازی ژیانێکی هەڵە. لێکۆڵینەوەکان دەریانخستووە ئەو کەسانەی پێستی دەموچاویان لە تیشکی زیانبەخشی خۆر ناپارێزن و سیستمی خۆراکی ناتەندروستیان هەیە بەدەست هێڵی قووڵی دەموچاویانەوە دەناڵێنن.

 

لاوازی ئێسکەکان: هەروەها چرچ و لۆچیەکانت دەتوانن پێشبینی مەترسی تووشبوونت بە پووکانەوەی ئێسکەکان بکەن. دوای توێژینەوەکان لە ساڵانی چل و پەنجاکان، توێژەران پشکنینی چرچی دەموچاو و مل و چڕی ئێسکی ١١٤ ژنیان کرد و بۆیان دەرکەوت کە چرچی قووڵ و ئەستووربوونی پێست پەیوەندی بە کەمبوونەوەی چڕی ئێسکەوە هەیە لەنێو بەشداربووانی توێژینەوەکەدا.

شێرپەنجەی پێست: چرچ و لۆچی قووڵی ڕوومەتەکانت دەتوانێت ئاماژە بێت بۆ ئەگەری تووشبوون بە شێرپەنجەی پێست. بەرکەوتنی بێ پاراستن بە تیشکی سەروو بنەوشەیی خۆر نەک هەر ئەم هێڵە قووڵانە دروست دەکات، بەڵکو ئەگەری تووشبوون بە شێرپەنجەی پێستیش زیاد دەکات.

سترێس: چرچی پێشەوە و هێڵەکانی نێوان برۆکان دەتوانن نیشانەی بەرزبوونەوەی فشاری دەروونیش بن. فشاری دەروونی ئاستی کۆرتیزۆڵ بەرز دەکاتەوە و ئەگەری تووشبوون بە قەڵەوی و بەرزبوونەوەی پەستانی خوێن و نەخۆشی شەکرە زیاد دەکات.

ئەم بابەتە 10075 جار خوێندراوەتەوە