پەیامی کورد   ...   ڕاوێژکاری ئاسایشی نیشتمانی کۆشکی سپی : ئێمە بەدوای هەڵوەشاندنەوەی تەواوەتی بەرنامە ئەتۆمییەکەی ئێران داین

ترامپ بڕیاریدا گورزێکی سەخت لە حووسییەکان بدات.
مایک والتز، ڕاوێژکاری ئاسایشی نەتەوەیی ئەمریکا لە لێدوانەکانی دژ بە ئێران ووتی: ئێمە بەدوای هەڵوەشاندنەوەی تەواوەتی بەرنامە ئەتۆمییەکەی ئێران داین. هەموو بژاردەکان بەردەستن.
ڕاوێژکاری ئاسایشی نیشتمانی کۆشکی سپی دژی بەرنامەی ئەتۆمی ئێران و ئەنسارۆڵڵای یەمەن لێدوانی دا.

بەگوێرەی ڕاپۆرتێک ، مایک والتز ڕاوێژکاری ئاسایشی نیشتمانی کۆشکی سپی سەبارەت بە دەستدرێژییە دووبارەکانی واشینتۆن بۆ سەر یەمەن ڕایگەیاند : واشینتۆن لە کاتی هێرشەکانی بۆ سەر یەمەن سەرکردە باڵاکانی حووسییەکانی لەناوبرد و کارگەکانی چەکی کردە ئامانج.
بەگوێرەی ڕاپۆرتی کەناڵی ئەلجەزیرە، ڕاوێژکاری ئاسایشی نیشتمانی ئەمریکا لە درێژەی قسەکانیدا ووتی: لەم دواییانەدا یەکێک لە کەشتییە تێکدەرەکانمان ٢٣ جار لەلایەن حووسییەکان (ئەنسارۆڵڵا)ەوە هێرش کرایە سەر.

ئاماژەی بەوەشکرد، "دۆناڵد ترامپ سەرۆکی ئەمریکا بڕیاریداوە گورزێکی سەخت لە حووسییەکان بدات، بە پێچەوانەی ئیدارەی پێشوو".

والتز پێی وایە "کردەوەکانمان دژی حووسییەکان کاریگەرتر دەبێت".

ڕاوێژکاری ئاسایشی نیشتمانی ئەمریکا لە درێژەی لێدوانەکانی دژ بە ئێران ووتی: ئێمە بەدوای هەڵوەشاندنەوەی تەواوەتی بەرنامە ئەتۆمییەکەی ئێران داین.

ئەو بەرپرسە ئەمریکییە لە چاوپێکەوتنێکدا لەگەڵ کەناڵی سی بی ئێس جەختی لەوە کردەوە کە "هەموو بژاردەکان لەبەردەستدان".

ناوبراو بە بانگەشەی ئەوەی کە "حووسییەکان چەکی ئێرانیان بەکارهێناوە بۆ لێدانی یەکێک لە گرینگترین هێڵەکانی دەریایی"، جەختی لەوە کردەوە: "هێشتنەوەی هێڵەکانی دەریایی بە کراوەیی لایەنێکی بنەڕەتی ئاسایشی نیشتمانیمانە".

والتز هێڵێکی بۆ ئێران کێشا و لە لێدوانی دەستێوەردانگەرانەدا ووتی: ناکرێ ڕێگە بە ئێران بدرێت بەرنامەی چەکی ئەتۆمی هەبێت و دەبێت بە تەواوی دەستبەرداری بەرنامە ئەتۆمییەکەی بێت، ئەگەرنا لێکەوتەی لێدەکەوێتەوە.

ناوبراو بانگەشەیەکی ناڕاستی کرد و ڕایگەیاند کە "ئەگەر ئێران چەکی ئەتۆمی بەدەست بهێنێ، ئەوا ڕۆژهەڵاتی ناوەڕاست شاهیدی پێشبڕکێیەکی چەکداری قبووڵ نەکراو دەبێت"، هەروەها بانگەشەی ئەوەی کرد کە ئێران لە خراپترین بارودۆخی خۆیدایە لە دوای ساڵی ١٩٧٩ەوە بەهۆی لەناوچوونی حیزبۆڵڵا و حەماس و بەرگری سوریاوە.