پەیامی کورد   ...   ڕۆبۆتی مرۆڤ دۆستی NEO بە وەشانی بێتا پەردەی لەسەر لادرا بۆ بەکارهێنانی لە ماڵەوە

کۆمپانیای نۆرڤێژی-ئەمریکی 1X پەردەی لەسەر وەشانی تاقیکاری ڕۆبۆتە مرۆڤدۆستەکەی لادا. ئەم ڕۆبۆتە بۆ بەکارهێنانی ماڵەوە دیزاین کراوە و ناوی "NEO"ە و بە شێوەیەکی بەرچاو بچووکتر و سووکترە لە ڕۆبۆتی ئۆپتی مووسی تێسلا. جەستەی ماسوولکەیی ئەم ڕۆبۆتە وای لێدەکات زۆر لە مرۆڤ بچێت.
لەبری ئەو پێکهاتە ڕەقە کە لە ڕۆبۆتە مرۆڤ دۆستەکانی تردا دەیبینین، جەستەی نیۆ ئەناتۆمییەکی هاوشێوەی ماسوولکەکانی مرۆڤی هەیە. ئەم ڕۆبۆتە بەرزییەکەی ١.٦٥ مەتر و کێشی ٣٠ کیلۆگرامە و دەتوانێت کەلوپەل هەڵبگرێت تا ٢٠ کیلۆگرام. بە بەراورد لەگەڵ ئەوەشدا، هەرچەندە ڕۆبۆتەکانی تێسلا و ئەجیلیتی قورسترن (56.5 بۆ 63.5 کیلۆگرام)، بەڵام دەتوانن هەمان کێش هەڵبگرن.