پەیامی کورد   ...   ڕۆیتەرز : دیمەشق داوای گەڕانەوەی بەشار ئەسەد و قەرەبووکردنەوەی لە ڕووسیا دەکات

دیمەشق داوای لە مۆسکۆ کردووە پارەی نەختینەی سووری کە لە بانکەکانی ڕووسیا دانراوە بە فەرمانی بەشار ئەسەد بگەڕێنێتەوە، بەڵام مۆسکۆ بوونی ئەو پارەیەی ڕەتکردووەتەوە.
ئاژانسی ڕۆیتەرز نووسیویەتی، دوای ڕووخانی حکوومەتەکەی بەشار ئەسەد، کۆمەڵێک چەکداری سەر بە گرووپی حەیات تەحریر شام، پاسەوانی بنکەکانی ڕووسیا لە حمەیمیم و تەرتووس دەکەن و چاودێری جمووجۆڵی ئەو سەربازانە دەکەن کە لەو بنکانەدا جێگیر بوون.

به پێی ئەم ئاژانسه هەواڵییه ئینگلیزه ، داهاتووی ئەو بنکه و سەربازانەی که بەشێکی دانەبڕاوی بنکه سەربازییەکانی ڕووسیا له ڕۆژهەڵاتی ناوەڕاست و ئەفریقیا له دەست ئەحمەد شەرع ، نازناوی محمد جۆلانی سەرۆکی کاتی سووریایه .

ڕۆیتەرز بە پشتبەستن بە سەرچاوە ئاگادارەکان نووسیویەتی دەیەوێت دانووستان و گۆڕینی مەرجەکانی بەکرێدانی ٤٩ ساڵەی تەرتووس و بەکرێدانی نادیار لە حمەیمیم کە لە سەردەمی ئەسەد داڕێژرابوو، هەرچەندە پێناچێت ئەو هەوڵی داخستنی تەواوەتی بنکە سەربازییەکانی ڕووسیا لە سووریا بدات و پێدەچێت ئەو بنکانە لە بەرامبەر پاڵپشتی دیپلۆماسی لەلایەن ڕووسیا و قەرەبووکردنەوە لە سووریا بمێننەوە.

ئاژانسی ڕۆیتەرز بە پشت بەستن بە ٨ سەرچاوەی ئاگادار، نووسیویەتی، شەرع لە 29ی 1 لەگەڵ میخائیل بۆگدانۆڤ، نێردەی سەرۆکایەتی ڕووسیا کۆبووەتەوە و هەردوولا تاوتوێی ئەو داخوازییانەیان کردووە کە پەیوەندییان بە قەرزە ملیارەها دۆلارییەکانی سووریا بە ڕووسیا و داهاتووی ئەسەد و گەڕانەوەی پارەی سووریا لە ڕووسیا کردووە.

دیپلۆماتکارێکی دیمەشق بە ئاژانسی ڕۆیتەرزی ڕاگەیاندووە، دەستپێکردنەوەی ناردنی چەک و سووتەمەنی و گەنمی ڕووسیا دەتوانێت بۆ سووریا شتێکی گرینگ بێت و سەرکردەکانی ئێستای ووڵاتەکە ئامادەن "تەنانەت لەگەڵ دوژمنەکانی پێشووی خۆیان ئاشتی بکەن".

سەرچاوەیەکی نزیک لە نەتەوە یەکگرتووەکان ڕایگەیاند، ڕووسیا لە سەردەمی حکوومەتی نوێدا دانەوێڵەی هەناردەی سووریا نەکردووە.
دوو سەرچاوەی ئاگادار لەو بابەتە بە ئاژانسی ڕۆیتەرزیان ڕاگەیاندووە، لە کۆبوونەوەی دیمەشق، ئەلشەرا هەوڵی هەڵوەشاندنەوەی قەرزەکانی پەیوەست بەو قەرزانەی داوە کە حکوومەتی ئەسەد لە ڕووسیا وەریگرتووە. پێشتر محەممەد عەبازید وەزیری دارایی بە ڕووسیای ڕاگەیاندبوو، بەبێ ئەوەی بڕی قەرزەکەی دیاری بکات، کە سووریا پێش شەڕی ناوخۆ قەرزی دەرەکی زۆری نەبووە، بەڵام لە ئێستادا پابەندبوونی دەرەکی 20 تا 23 ملیار دۆلاری لەسەرە.

سەرچاوەیەکی ئاگادار ڕایگەیاند که له میانەی کۆبوونەوەیەکی سێ کاتژمێری لەگەڵ بۆگدانۆڤ، جێگری وەزیری دەرەوەی ڕووسیا، بەرپرسانی سووریا بابەتی گەڕانەوەی ئەسەدیان بۆ سووریا ورووژاند، هەرچەنده به شێوەیەکی گشتی. سەرچاوەیەکی باڵای ڕووسیا ڕایگەیاند کە ڕووسیا ڕازی نابێت بە ڕادەستکردنەوەی ئەسەد، هەروەها هیچ داواکارییەکی لەو شێوەیە نەکراوە.

شەرع هەروەها داوای گەڕاندنەوەی سەرچاوە داراییەکانی سووریای کرد کە حکوومەتەکەی پێی وایە ئەسەد لە مۆسکۆ داناوە. بەڵام بە ووتەی دیپلۆماتکارێکی شارەزا کە بنکەکەی لە سووریایە، شاندی ڕووسیا بوونی ئەو جۆرە سندووقەیان ڕەتکردەوە.

لە بەیاننامەیەکدا کە دوای کۆبوونەوەکە بڵاویکردەوە، حکوومەتی کاتی سووریا ڕایگەیاند کە ئەلشەرا پەیوەندییە نوێیەکانی نێوان هەردوو ووڵاتی بە پێویستی بە چارەسەرکردنی هەڵەکانی ڕابردوو زانیوە و داوای قەرەبووکردنەوەی ئەو کاولکارییانەی کرد کە بەهۆی چالاکییە سەربازییەکانی ڕووسیا دروستبووە. بەگوێرەی سەرچاوەکانی ڕۆیتەرز، کۆبوونەوەکە تاڕادەیەک بە ئاسانی بەڕێوەچوو و کرێملین پەیوەندییە تەلەفۆنییەکەی نێوان شەرع و ڤلادێمیر پووتین ی دوو هەفتە لەمەوبەر بە بونیاتنەر وەسفکرد.

دیمەشق دەیەوێت قەرەبووی وێرانکارییەکانی سەردەمی جەنگ بکرێتەوە. ڕاپۆرتێکی کۆمیسیۆنی ئابووری و کۆمەڵایەتی نەتەوە یەکگرتووەکان بۆ ڕۆژئاوای ئاسیا (ESCWA) تێچووی ئاوەدانکردنەوەی سووریا بە ٤٠٠ ملیار دۆلار خەمڵاندووە.

سەرچاوەیەکی نزیک لە ڕووسیا ڕایگەیاند، پێناچێت مۆسکۆ ئەو جۆرە بەرپرسیارییەتییە قبووڵ بکات، بەڵام لەبری ئەوە دەتوانێت هاوکاری مرۆیی پێشکەش بە سووریا بکات.