پەیامی کورد   ...   کریستیانۆ ڕۆناڵدۆ بوو بە یووتیووبەر!

کریستیانۆ ڕۆناڵدۆ ئەفسانەی مانچستەر یوونایتد و ڕیال مەدرید و پورتوگال کەناڵی یووتیووبی خۆی دەستپێکرد.
یاریزانە تەمەن 39 ساڵەکە کە ئێستا لە خولی نایابی سەوعوودیە یاری بۆ یانەی نەسر دەکات، ئاماژەی بەوەشکردووە، کەناڵەکە بەناونیشانی "UR" بەکاردەهێنێت بۆ ئەوەی "پەیوەندی زیاتر لەگەڵ هاندەرانی لە سەرانسەری جیهاندا بکات".
ڕۆناڵدۆ بەڵێنی داوە دیوێکی خۆی بڵاوبکاتەوە کە زۆربەی هاندەرانی نەیان بینیوە، کەناڵەکەش سەیری بابەتەکانی تر دەکات لەدەرەوەی ژیانی وەرزشی بەناوبانگی تۆپی پێی.
لە چوارچێوەی بەرنامەی ئەم کەناڵەدا، ڕۆناڵدۆ چاوپێکەوتن لەگەڵ زنجیرەیەک میوان دەکات لەسەر بابەتگەلێکی جیاواز، کە تا ئێستا ناسنامەیان دیاری نەکراوە.
لە ڤیدیۆی دەستپێکردنی ئەم کەناڵەدا، وێنەی جۆرجینا ڕۆدریگێز دەزگیرانی ڕۆناڵدۆ دەبینرێت. لە بەیاننامەیەکی ڕۆژنامەوانیدا کە پرۆژە نوێیەکە ڕادەگەێنێت، دەڵێت: کریستیانۆ ڕۆناڵدۆ کە زۆرترین فۆڵۆوەری سۆشیال میدیای جیهانە، لە 21ی ئابدا کەناڵی یووتیووبی 'UR' دەکاتەوە بۆ ئەوەی پەیوەندی لەگەڵ هەوادارەکانیدا بکات.
لەم کەناڵە نوێیەدا کریستیانۆ ناوەڕۆکێک دەربارەی گەورەترین خولیای خۆی، تۆپی پێ، هەروەها ئارەزووەکانی دیکەی خۆی، لەوانە تەندرووستی خێزان، خۆراک، لەش جوانی، چاکبوونەوە، ڕاهێنان و بازرگانی. لەم کەناڵەدا دەبینن کریستیانۆ لەگەڵ میوانەکان قسە دەکات لەسەر بابەتگەلێکی جیاواز.
ڕۆناڵدۆ سەبارەت بەم بابەتە ووتی : زۆر دڵخۆشم بە جێبەجێکردنی ئەم پڕۆژەیە، ماوەیەکی زۆرە لە مێشکم دایە، بەڵام دواجار دەرفەتمان بۆ ڕەخساوە بیکەین بە ڕاستەقینە.
هەمیشە چێژم لەوە وەرگرتووە کە پەیوەندییەکی وەها بەهێزم لەگەڵ هەوادارانم هەیە لە سۆشیال میدیا و کەناڵی یووتیووبەکەم پلاتفۆرمێکی گەورەترم پێدەدات بۆ ئەوەی ئەو کارە بکەم لەکاتێکدا زیاتر دەربارەی من و خێزانەکەم و بۆچوونەکانم لەسەر بابەتگەلێکی جیاواز دەزانن.
من بەوپەڕی خۆشحاڵییەوە چاوەڕێی گفتوگۆکانم لەگەڵ میوانەکانم کە بێ گومان خەڵک سەرسام بکات!"
ڕۆناڵدۆ تا ئێستا 9 ڤیدیۆی لە کەناڵەکەی بڵاوکردۆتەوە، لە یەکێک لەوانەدا ئەفسانەی پورتوگال کاردانەوەی هەیە بەرامبەر بە باشترین گۆڵەکانی ئەورووپایی دا.
ئەکاونتی ڕۆناڵدۆ لە ماوەی کەمتر لە ٢٠ خولەکدا گەیشتە ١٠٠ هەزار فۆڵۆوەر، بەجۆرێک ئەستێرە پورتوگالییەکە ڕیکۆردێکی لە یووتیووب شکاند!

ئەم بابەتە 10221 جار خوێندراوەتەوە