پەیامی کورد   ...   کوربی : ڕێککەوتنی ئاگربەست لە غەززە ناڕووخێت

هاوکات لەگەڵ قسەکانی ئیسرائیل سەبارەت بە "کشانەوەی حەماس لەو ڕێککەوتنانەی کە کراوە"، ووتەبێژی ئەنجوومەنی ئاسایشی نیشتمانی کۆشکی سپی جەختی لەوە کردەوە: ووردەکارییەکان هەن کە پێویستە ڕوون بکرێنەوە، بەڵام ئەو ڕاپۆرتانەی باس لەوە دەکەن کە ڕەنگە ڕێککەوتنی ئاگربەست بڕووخێن، ڕاست نین ."
لە چاوپێکەوتنێکدا جۆن کوربی ووتەبێژی ئەنجوومەنی ئاسایشی نیشتمانی کۆشکی سپی باسی لە ئاگربەست لە غەززە و بانگەشەی ئەم دواییەی ئیسرائیل کرد کە "حەماس لەو ڕێککەوتنانە دەکشێتەوە کە کراوە".
کوربی ئێوارەی پێنجشەممە لە چاوپێکەوتنێکدا لەگەڵ تۆڕی ئەمریکی ئێن بی سی نیووز ووتی: ئیدارەی بایدن ئاگاداری ئەو پرسانەیە کە ئیسرائیل وورووژێندراون. بەڵام ئێمە پێمان وایە ئەم کێشانە چارەسەر دەکرێن”.

ئاماژەی بەوەش کرد: پێویستە حکوومەتی ئیسرائیل بە ڕێککەوتنی ئاگربەست لە غەززە و ئاڵوگۆڕی دیلەکان ڕازی بێت.
سەرەڕای ئەوەی جۆ بایدن سەرۆکی ئێستای ئەمریکا توڕە بوو کاتێک ڕۆژنامەنووسان پرسیاریان لە ڕۆڵی دۆناڵد ترامپ سەرۆکی هەڵبژێردراوی ئەمریکا کرد لە گەیشتن بە ڕێککەوتنی ئاگربەست لە غەززە، بەڵام کوربی ووتی : بە دڵنیاییەوە ترامپ هاوکار بوو بۆ ئەنجامدانی ڕێککەوتنەکە، بەڵام زۆر کەس شایستەی شانازین بە "بایدن و". ترامپ ئامانجێکی هاوبەشی هەیە بۆ کۆتایی هێنان بەم شەڕە و ئازادکردنی دیلەکان”.

ئاماژەی بەوەشکرد، بەڵام زیندانییەکان و خەڵکی غەززە گرینگی بە مامەڵەکاران نادەن، دەیانەوێت بگەڕێنەوە سەر ماڵ و حاڵی خۆیان.

کوربی هەروەها لە ووڵامی پرسیارێکدا سەبارەت بە کاتی ڕێککەوتنەکە و نزیکبوونەوەی لە ٢٠ی جانیوەری (ڕۆژی دەست بەکاربوونی ترامپ) بانگەشەی کرد کە "ئێستا حەماس لاوازترە و زیاتر وەرگری ڕێککەوتنێکە".

ئەم بانگەشەیە لە کاتێکدایە کە بایدن دان بەوەدا دەنێت کە ئەو ڕێککەوتنەی کە باسی لێوە دەکرێت ئەو ڕێککەوتنە بووە کە لە مانگی ئایاردا لەلایەن ئەمریکاوە پێشکەش کراوە. حەماس هەمیشە ڕێککەوتنی خۆی لەگەڵ ئەو ڕێککەوتنە ڕاگەیاندبوو و بە وتەی ماتیۆ میلەر، ووتەبێژی وەزارەتی دەرەوەی ئەمریکا، بێنیامین ناتانیاهوو، سەرۆکوەزیرانی ئیسرائیل خۆی تێکدانی ڕێککەوتنەکەی کردووە.

ئاماژەی بەوەشکرد، ووردەکارییەکان هەن کە پێویستە ڕوونبکرێنەوە. بەڵام ئەو هەواڵانەی باس لەوە دەکەن کە ڕەنگە ڕێککەوتنی ئاگربەست داڕمێت دوورە لە ڕاستییەوە. دەشڵێت: دڵنیاین ئەو ووردەکارییانەی کە ناتانیاهوو باسی کردووە چارەسەر دەبن و لە ڕۆژی یەکشەممەوە جێبەجێکردنی ڕێککەوتنەکە دەست پێدەکات.

 هەروەها کوربی دیسان ڕێککەوتنەکەی ئێستای بە ئەنجامی "لاوازی میحوەری خۆڕاگری" زانی و بانگەشەی کرد: "ئەوەی حەماسی ناچار کرد بگەڕێتەوە سەر مێزی دانووستان، گۆشەگیرییەکەی بوو لە دوای لابردنی دەسەڵات و بێلایەنکردنی سەرکردەکانی و بێتوانایی ئێران بوو لە گەڕانەوە". پشتگیری بکەن”.