پەیامی کورد   ...   کۆمپانیای مێرسێدێس درووستکەری ئۆتۆمبێل تا ٥٠٠ هەزار یۆرۆ دەدات بۆ دەرکردنی کارمەندانی بە شێوەی خۆبەخشانە

کۆمپانیاکە کە لە لیستی داکس دایە پێویستی بە کەم کردنەوەی تێچوونەکان هەیە و دەیەوێت پاکێجی جیابوونەوە پێشکەش بە زیاتر لە ٣٠ هەزار کارمەند بکات. ئامارەکانی ئینترانت دەری دەخەن: مێرسێدێس پارەیەکی زۆر وەبەرهێنان دەکات.
کۆمپانیای مێرسیدس ئامانجی ئەوەیە تا ساڵی ٢٠٢٧ پێنج ملیار یۆرۆ پاشەکەوت بکات. بۆ گەیشتن بەو ئامانجە کۆمپانیای درووستکردنی ئۆتۆمبێل کە بنکەکەی لە شاری شتووتگارتە، بەرهەمهێنان و فرۆشتنی کەمکردووەتەوە و پلانی هەیە ژمارەی کارمەندانی ئۆفیسەکان لە ئاڵمانیا بە هەزاران کەس کەم بکاتەوە. بەو پێیەی ئەم کەسانە لە ڕێگەی گرێبەستی کۆمپانیاکانەوە تا کۆتایی ساڵی ٢٠٣٤ لە دەرکردن پارێزراون، کۆمپانیاکە کە لە لیستی داکس دایە دەبێت ئۆفەری سەرنجڕاکێش پێشکەش بە کارمەندەکانی بکات بۆ ئەوەی خۆبەخشانە گرێبەستەکانیان هەڵبوەشێننەوە.

ئێستا هاندێلس بلات لە بازنەکانی کۆمپانیاکانەوە دۆخەکەی فێربووە. بەپێی ڕاپۆرتەکە، کۆمپانیای مێرسێدێس-بێنز پاکێجی جیابوونەوەی شەش ژمارەیی پێشکەش بە کارمەندە ماوە درێژەکانی دەکات کاتێک کە کۆمپانیاکە جێدەهێڵن. لە ئینترانتی کۆمپانیاکەدا، کارمەندان دەتوانن بە نزیکەیی حیساب بکەن کە ئەگەر بڕۆن چییان پێ دەگات. هاندێلس بلات توانی ووردەکارییەکان ببینێت.