پەیامی کورد   ...   کیێڤ، بەرپرسیارییەتی خۆی لە کوشتنی فەرماندەی بەرگری ئەتۆمی و کیمیایی سوپای ڕووسیا، ڕاگەیاند

سەرچاوەیەکی ئەمنی ئۆکراینی بە ئاژانسی هەواڵی 'فڕانس پرێس' ـی ڕاگەیاندووە، "کیێڤ بەرپرسیارییەتی کوژرانی ئەو بەرپرسە گەورەیەی سوپای ڕووسیا لە ئەستۆ دەگرێت."

کوژرانی ئەو فەرماندە و یاریدەدەرەکەی بە بۆمبێکی چێنراو، لە چوارچێوەی کردەیەکی تایبەتی دەزگای ئەمنی ئۆکراینی بووە.

بەرەبەیانی سێشەممە ٢٧ی سەرماوەز، مێدیاکانی ڕووسیا هەواڵی کوژرانی ئیگۆر کیریلۆڤ، فەرماندەی هێزەکانی بەرگری ئەتۆمی، کیمیایی و بایۆلۆژی سوپای ڕووسیایان بڵاو کردەوە.