پەیامی کورد    ...   گەنجێکی خەڵکی سنە دوای دەست بەسەر کرانی بێ سەرووشوێن کراوە

 مستەفا هۆژەبری لە شاری سنە دەست بەسەركراوە و چارەنووسی نادیار و ناڕوونە

ئێوارەی یەكشەممە ٣ی خاكەلێوەی ١٤٠٤، مستەفا هۆژەبری، تەمەن ٢٨ ساڵ و خەڵكی گوندی "قولیان"ی سەر بە سنە، لە لایەن هێزەكانی ئیدارەی ئیتلاعات دەستبەسەر و بۆ شوێنێكی نادیار گواسترایەوە و بە تێپەڕینی ٤ ڕۆژ هیچ زانیارییەک لەسەر چارەنووسی ناوبراو لەبەر دەستدا نییە.

بەپێی ڕاپۆرتێک ، دەست بەسەركرانی ئەم هاووڵاتییە لە پەیوەندی لەگەل ڕێوڕەسمەكانی نەورۆزی كوردستان بووە و  بەدواداچوونەكانی بنەماڵەی ناوبراو بە مەبەستی ئاگاداربوون لە چارەنووس و بارودۆخی مستەفا هۆژەبری بێ ئاكام ماوەتەوە.

تا كاتی داڕشتنی ئەم ڕاپۆرتە، زانیارییەكی وورد لەسەر شوێنی ڕاگرتن و هەروەها چارەنووسی ئەم هاووڵاتییە كوردە لەبەر دەستدا نییە.