پەیامی کورد   ...   گەڕانەوەی میلانیا ترامپ دوای دوورکەوتنەوەیەکی زۆر

دوای دوورکەوتنەوەیەکی زۆر، میلانیا ترامپ لەو ڕۆژەدا دەرکەوت کە هاوسەرەکەی بە فەرمی کاندیدکردنی پارتی کۆمارییەکانی لە هەڵبژاردنەکانی سەرۆکایەتیدا قبووڵ کرد.

مێلانیا لە کۆتا ڕۆژی کۆنفرانسی نیشتمانی کۆمارییەکان لە شاری میلواکی ویلایەتی ویسکۆنسێن دەرکەوت و چەپڵەی زۆری ئامادەبووان لێدرا. هاوسەری سەرۆکی پێشووی ئەمریکا کە تەمەنی 54 ساڵە، دوای ووتارەکەی هاوسەرەکەی، بە کراسێکی سوورەوە لەسەر شانۆ بەشداری کرد.

پەیوەندی دۆناڵد و میلانیا ترامپ بووەتە هۆکاری قسە و باسەکان لەم چەند ساڵەی دواییدا. دوای ئەوەی لە سەرەتای ساڵی 2021 کۆشکی سپی جێهێشت، میلانیا بە دەگمەن لەبەردەم خەڵکدا دەرکەوت و تاڕادەیەکی زۆر لە هەڵمەتی بانگەشەی هاوسەرەکەی بێدەنگ بوو. مێلانیا ترامپ کە دوای هەوڵی تیرۆرکردنی دۆناڵد ترامپ ستایشی دۆناڵد ترامپی کرد، لەسەر شانۆی کۆنفرانسی کاندیدکردنی کۆمارییەکان لەگەڵیدا بوو.

ئەم بابەتە 17056 جار خوێندراوەتەوە