Fermandarê Heşda Şeibî li Telaferê hat kuştin

PeyamaKurd - Hat ragihandin ku Fermandar Ebû Taha Turkmen û şervanek di du êrîşên asmanî de ku li dijî Lîwaya 53emîn a Heşda Şeibî hatin kirin, hatine kuştin û çar şervan jî birîndar bûne.

Li gorî daxuyaniyekê ji aliyê Heşda Şeibî ve, êrîşa ku doh li navçeya Telaferê ya parêzgeha Nînewa li dijî Lîwaya 53emîn hat kirin, bû sedema mirina Fermandarê Tabûra Komando ya Lîwaya 53emîn.

Di daxuyaniyê de, ku tê de hat destnîşankirin ku di encama êrîşan de Fermandarê Tabûra Komando û şervanek canê xwe ji dest dane û çar şervan jî birîndar bûne, ev tişt hatin gotin:

"Herêma ku îşev rastî du êrîşên asmanî yên tirsonek hat. Êrîşa yekem saet di 17:50an de û ya duyem jî saet di 18:40an de pêk hat.

Her çend rêxistina Heşda Şeibî xatir ji du şehîdên xwe yên qehreman dixwaze jî, careke din piştrast dike ku ev êrîşên xayîn û tirsonek wê wan ji meşa wan a fedakarî û dilsoziyê di xizmetkirina welatê me yê delal û gelê me yê hêja de nexapînin."