Amerîkayê dosyeya ku li dijî Mesrûr Barzanî hatibû vekirin, red kir!
PeyamaKurd – Dadgeha Federal a Amerîkayê dosyaya komployê ya ku li dijî Serokwezîrê Herêma Kurdistanê Mesrûr Barzanî hatibû vekirin, red kir.
Di wê dozê de ku li dijî Barzanî hatiye vekirin, hat îdiakirin ku li Amerîkayê mal û qesrên biha yên malbata Barzanî hene. Kesê ku doz vekiriye li derveyî Herêma Kurdistanê dijî û ev demeke dirêj e ku li ser torên medyaya civakî bernameyan li ser malbata Barzanî û rêveberên Herêma Kurdistanê çêdike.
Hinekên din jî li paş Mekî Amedî ne ku weke rêxistineke xweser tevdigere. Em ê di gotarê de vê yeke zelal bikin.
Berjewendiyên siyasî yên bingehîn jî hene ku dike ku doza ku li ser navê Mesrûr Barzanî li dijî malbata Barzanî hatiye vekirin, bi mebestên siyasî û bi taybetî hevdem be ‘bi hilbijartinên Herêma Kurdistanê re’ hatiye vekirin.
Çavkaniyên hikûmetê yên ku PeyamaKurdê gelek caran pêwendî danî, diyar kirin ku Mesrûr Barzanî niyeta rast a qirêj di vê dosyayê de dizanîbû û bertek nîşan nedaye ji ber ku li bendê bû ku heta doz bigihêje encamê.
***
Dadgeha Amerîkayê doza qirêj a komployê red kir!
Dadwerê Federalî yê Amerîka Randolph Moss pêr (02.10.2024) red kir dosyeya ku li dijî Serokwezîrê Herêma Kurdistanê Mesrûr Barzanî û malbata wî û 63 kesên din hatibû vekirin.
Parêzerên Mesrûr Barzanî bi delîl û belgeyên ku nîşan dan, îdiayên kesên ku dosya vekirine, pûç kirin û her weha dan peyitandin ku kesên doz vekirine xwedî “armancên siyasî û rêxistinî ne”, ji lewma dosya hat redkirin.
Dadwerê Amerîkî Moss belge û îdiayan bi eslê xwe tohmetên li ser malbata Barzanî ne miqayeseyî hev kirin û bi tekezî red kir û dawî li dadgehkirinê anî.
Dadwer Moss her weha biryar da ku eger serlêderên dozê berdewamiya îdiayên derewîn bikin, wê bi tundî bên cezakirin.
Îcar kesên ku doza komploya qirêj vekirin kî bûn, armancên wan çi bûn?
Li ser navê rêxistineke ku li Başûrê Kurdistanê (Tewgera Kurdistanê) ji aliyê PKKyê ve hatiye avakirin, ku ji aliyê Mekî Amedî yê li Elmanyayê dijî, timî propagandaya wê dike, li Dadgeha Federal a DYA’yê li dijî Serokwezîrê Herêma Kurdistanê Mesrûr Barzanî doz hatibû vekirin.
Li pişt rêxistina PKKyê ya berbehs, kesên ku pêşengiya vê dozê dikirin û xwedî gelek berjewendiyên siyasî bûn.
***
Bo nimûne;
Kesên Serkewt Şemseddîn ku ji aliyê PKKyê ve weke wekîl bo Bexdayê hatiye şandin û hevjîna wî Şînyar Hesen û xwişka rojnamevan Berhem Salih ku li DYAyê dimîne, Belen Salih bi tenê hinek ji wan kesan in.
Kesên navborî doza komployê derxistine bazarê û di raya giştî de têgihiştinekê ava dikin ku ne rewşek e ku mirov paşguh bike.
***
Çimkî;
Di heman demê de dema ku dosyaya navborî hat vekirin, Serkewt Şemseddîn ku li Iraqê wek parlamenter hatibû hilbijartin, bi meyla Bexdayê çalakî dikirin û li dijî Kurdistanê propaganda û dezenformasyonê dikir.
Serkewt Şemsedîn yek ji leşkerên sereke yên stratejiya qirêj e ku dixwaze di raya giştî de hikûmeta Herêma Kurdistanê weke bêkar û tekparêz nîşan bide û li dijî Barzanîyan tevdigere.
***
Ji Bafil Talebanî ji bo hevjîna Serkewt Şemsedîn wekalet!
Ji lewma;
Bafil Talebanî ew xelat kirin û hevjîna Serkewt Şemsedîn Şînyar Hesen wek namzetê parlamenteriyê ji lîsteya Silêmaniyê destnîşan kir.
Fermandeyê Koma Xiristiyanên Heşda Şeibî Rayan Keldanî, beriya hilbijartinê bi destê Şînyar Hesen girtiye û bi zelalî radigihîne ku ew di heman lîgê de ne.
Di propagandaya Bafil a siyasî ya van rojên dawî de ku zêde bêhed bûye, dihat pêşbînîkirin ku ev doz teqez wê bi ser bikeve. Lê ew şaş derketin!
***
Daxuyaniya zelal a Dadwerê Amerîkî: Ger îdiayên bêbingeh berdewam bin...
Doza komploya qirêj ku ji aliyê Îran û Heşdî Şeibî ve jî hat destekkirin, ji aliyê dadgeha Amerîkayê ve bi esasî û tekezî hat redkirin.
Dadwer Moss her weha biryar da ku eger dozger berdewamiya îdiayên derewîn bikin dê bi tundî bên cezakirin.
Bi van biryaran plana komploya qirêj a Mekî Amedî, Serkewt Şemseddîn, Şînyar Hesen, Belen Salih, Bafil Talabanî, Îran, Heşdî Şeibî û PKKyê careke din têk çû.
Ev nivîs 11720 car hatiye xwendin.
