Rusya: Ew welat, amadekariya provakasyonê dike

PeyamaKurd- Ji aliyê Wezareta Berevaniya Rusyayê ve hat îdiakirin ku Amerîka li Ukraynayê amadekariya provokasyonê dike û hat gotin ku "Bi madeyên kîmyewî yên jehrîn, plana çalakiyên provokatîf tê kirin."

Fermandarê Hêzên Parastina Radyasyon, Kîmyewî û Biyolojîk ên hêzên leşkerî yên Rusyayê Îgor Kirillo, li paytext Moskowê di civîneke çapemeniyê de li ser kiryarên Amerîkayê yên li Ukraynayê daxuyanî da. Kirillo îdia kir ku Amerîka li Ukraynayê bi bikaranîna madeyên kîmyewî yên jehrî, plana çalakiyên provokatîf dike.

Kirillov bi bîr xist ku rêxistineke nehikûmî ya Amerîkî ya bi bandor di 22ê Sibatê de li ser bûyerên Ukraynayê konferansek li dar xistibû û bal kişand ku Balyozê berê yê Amerîkayê yê Moskowê John Sullivan di vê konferansê de axaftinek kiribû.

Kirillov  got ku “Sullivan li vê derê daxuyanî da û got ku hêzên Rusyayê plan dikin ku li herêma operasyonên leşkerî yên taybet çekên kîmyewî bi kar bînin. Em van agahiyan wekî neyeta Amerîka û hevkarên wê dibînin ku li Ukraynayê bi bikaranîna madeyên kîmyewî yên jehrîn provokasyonekê bikin."

Kirillov amaje kir ku amadekarî ji bo vê yekê hatine kirin axaftina xwe wiha berdewam kir:

"Di 10ê Sibatê de madeyên kîmyewî yên di wesayîteke trênê de bi welatiyên biyanî re ligel welatiyên biyanî radestî bajarê Kramatorskê hatin kirin. Ev vagon hanîn kargeha metalurjiyê ya 'Kuybyshev' a li Kramatorskê. Madeyên kîmyewî ji vagona di bin kontrola Ewlekariya Ukraynayê de hatin daxistin. Xebatkarên serwîsê û nûnerên fermandariya Hêzên Çekdar ên Ukraynayê wiha got: "16 sindoqên metal ên mohrkirî hebûn. Nîvê wan, nîşana xetereya kîmyewî, tîpa BZ û nîşana du rêzên sor hebû."

Kirillov diyar kir ku madeya kîmyewî BZ di mirovan de dibe sedema bêahengiyê, kêmbûna bîr û dîtina halusînasyonan.