"Di nav 48 saetan de ABD dikare li dijî Îranê dest bi tevgereke leşkerî bike"

PeyamaKurd - Serokkomarê Serbistanê Aleksandar Vucic diyar kir ku dibe ku Washington êrîşeke leşkerî li dijî Îranê bide destpêkirin da ku balê bikişîne ser mijarê, ku ev yek bi derketina belgeyên nû yên têkildarî doza Jeffrey Epstein li Dewletên Yekbûyî yên Amerîkayê re hevdem bû.

Di hevpeyvînek taybet de bi medyaya Rûsyayê re, Vucic pêşketinên cîhanî nirxand, çalakiya leşkerî ya Dewletên Yekbûyî yên Amerîkayê li Rojhilata Navîn ligel krîzên siyasî yên di welatê xwe de nirxand.

"Di nav 48 saetan de dibe ku pêşketineke mezin çêbibe"

Vucic bal kişand ser weşandina belgeyên nû yên têkildarî doza Jeffrey Epstein û got:

"Piştî weşandina belgeyên têkildarî doza Epstein, ez di nav 48 saetên bê de, li bende pêşketineke leşkerî ya cidî, tevî êrîşeke li ser Îranê me."

Vucic îdia kir ku derketina belgeyên ne sedema rasterast a êrîşeke gengaz e, lê di pêvajoyên biryargirtina siyasî de roleke bilezker lîstiye.

Serokê Serbistanê got, "Derketinên wiha ji bo guhertina balê raya giştî û medyayê têne bikaranîn."