Qesra Spî: Li ser piraniya xalan lihevkirin hat kirin

PeyamaKurd - Sekretera Çapemeniyê ya Qesra Spî Karoline Leavitt diyar kir ku hevdîtinên plana aştiyê ya li Ukraynayê ku li Cenevreya Swîsreyê hatin lidarxistin, pir erênî bûn û li ser piraniya xalan lihevkirin hat kirin.

Hevdîtin ji bo bidawîkirina şerê di navbera Rûsya û Ukraynayê de berdewam dikin.

Sekretera Çapemeniyê ya Qesra Spî Karoline Leavitt rewşa heyî ya di pêvajoyê de nirxand û got ku hevdîtinên ku di 23ê Mijdarê de li Cenevreya Swîsreyê hatin lidarxistin, ku plana aştiyê ya 28 xalî ya ku ji hêla Serokê Dewletên Yekbûyî yên Amerîkayê Donald Trump ve hatî pêşkêş kirin bi berfirehî hat nîqaş kirin, pir baş û berhemdar bûn.

Leavitt got, "Her kes li ser encamên ku li Cenevreyê derketin holê geşbîn e. Sekreter (Marco) Rubio, Nûnerê Taybet (Steve) Witkoff û tevahiya tîmê bi berfirehî li ser bendên plana aştiyê ya 28 xalî ya ku ji hêla Dewletên Yekbûyî yên Amerîkayê ve bi beşdariyên hem Rûsan û hem jî Ukraynîyan hatî amadekirin, nîqaş kirin. Di dawiyê de, li ser piraniya van xalan lihevkirin hat kirin."