Ragesiya di navbera DYA û Venezuelayê de zêde dibe: Tirkiye gestên hewayî betal kirin

PeyamaKurd – Rageşiya di navbera DYA û Venezuelayê de zêde dibe. Rêveberiya Hewayî ya Federal a DYAyê ji bo Herêma Agahdariya Firînê ya Maiquetiayê, ku tevahiya Venezuelayê vedihewîne, NOTAM derxist. Piştî pêşketinan, Turkish Airlines (THY) geştên hewayî yên ber bi Venezuelayê ve ji bo çar rojan rawestand.

Di demên dawî de, Wezîrê Parastinê yê Venezuelayê Vladimir Padrino Lopez êrîşî DYAyê kir û wekî "yek ji mezintirîn û wêrankertirîn împaratoriyên di dîroka mirovahiyê de" bi nav kir. Lopez diyar kir ku welatê wî "bi serê xwe bilind bertek nîşan daye" li hember hemî gefên ku DYA bi hefteyan e dike.

NOTAM hat derxistin

Ji ber ku rageşî bi daxuyaniyên hevbeş zêde dibe, Washingtonê gavek din ber bi Caracas ve avêt. Rêveberiya Hewayî ya Federal a DYAyê (FAA) ji bo Herêma Agahdariya Firînê ya Maiquetiayê, ku tevahiya Venezuelayê vedihewîne, NOTAM derxist.

Kîjan geşt hatine betalkirin?

Turkish Airlines (THY) ragihand ku geştên xwe yên di navbera Stenbol û Caracas de ji 24 heta 28ê Mijdarê demkî rawestandine. Di agahdariyeke nivîskî de ku ji ajansên geştyariyê re hatiye şandin, şîrketê diyar kir ku di van tarîxan de dê astengiyên operasyonel çêbibin û divê rêwî ber bi rêyên alternatîf ve werin arastekirin.

Şîrketa hewayî bi taybetî tekez kir ku geştên ji Stenbolê ber bi Havanayê ve wê wekî ku hatiye plankirin berdewam bikin. Rêwiyên ku geştên wan ên ber bi Caracas ve hatine betalkirin wê ber bi geştên alternatîf ên ku li Bogota, Panama, Cancun, Meksîka, an Havanayê ve girêdayî ne werin arastekirin.

Hişyariya ewlehiyê ya FAA biryardar bû

Biryar li ser hişyariya Rêveberiya Hewayî ya Federal a Dewletên Yekbûyî (FAA) ya li ser "çalakiya leşkerî ya zêde" û "rîskên ewlehiyê" li qada hewayî ya Venezuelayê hate girtin. Ji ber vê yekê, şîrketên hewayî yên navneteweyî dest bi nirxandina operasyonên xwe yên firînê yên ber bi herêmê ve kirine.

Şîrketên hewayî yên din jî hatin rawestandin

Digel biryara THY, gelek şîrketên hewayî yên navneteweyî, di nav de LATAM, TAP, Iberia, Avianca, GOL û Caribbean Airlines, bi heman rengî geştên xwe yên ber bi Venezuelayê ve rawestandine.