Xameneyî: Ger DYA dest bi şerekî bike, ew ê vê carê herêmî be

PeyamaKurd - Rêberê Îranê Elî Xameneyî diyar kir ku ger DYA êrîşî welatê wî bike, şer wê herêmî be.

Li gorî iribnews, malpera televîzyona dewletê ya Îranê, Xameneyî bi boneya salvegera 47emîn a şoreşê li mala xwe ya li Tehranê ji raya giştî re axivî.

Xameneyî got, "Divê Amerîkî bizanin ku ger ew şerekî dest pê bikin, vê carê ew ê herêmî be."

Xameneyî diyar kir ku axaftina carinan a rêveberiya Washingtonê ya li ser şer, ku behsa balafir û keştîyên şer dike, ne rewşek nû ye û got, "Berê, Amerîkiyan di daxuyaniyên xwe de gelek caran gef xwarine û gotine 'hemû vebijark li ser maseyê ne.' Ev vebijarka şer jî di nav xwe de digirt."

Xameneyî diyar kir ku rêveberiya Tehranê naxwaze bibe aliyê ku şerekî dest pê dike û naxwaze êrîşî tu welatekî bike û got, "Gelê Îranê wê pir tund bersiv bide ger kesek êrîşî wan bike û zirarê bide wan."

Xameneyî xwepêşandanên kolanan ên li welatê xwe bi hewldanek derbeyê re berawird kir û got, "Serhildana ku qewimî dişibiya derbeyekê. Ev derbe hate tepeserkirin. Armanca wan ew bû ku navendên bi bandor û krîtîk ên di rêveberiya welêt de hilweşînin. Ji ber vê yekê, wan êrîşî polîs, saziyên dewletê, baregehên Muhafizên Şoreşê, bank û mizgeftan kirin û Quran şewitandin. Wan navendên ku welêt birêve dibin hedef girtin. Ev rewşek dişibiya hewldanek derbeyê."