HEVPEYVÎN | Asli Baykal: Ez hînî Kurdî dibim û ji Kurdî hez dikim

PeyamaKurd – Daxuyaniyên keça Serokê Giştî yê CHPê yê berê Denîz Baykal Prof. Dr. Asli Baykal ên derbarê Kurdan de û twîtên Kurdî yên herî dawî di medyaya civakî de gelek bal kişand ser xwe.

Baykal got, “Polîtîkayên ku bi îdiaya ku li Tirkiyeyê Kurd tunene tên afirandin, tu feydeyê nade Tirkiye û neteweperestên Tirk. Pêşeroja Tirkiyeyê jî di destê Kurdan de ye."

Baykal bi van tweetan weke ku dixwaze beriya hilbijartinên pêşwext bikeve partiyeke nû yan jî xwe nêzî Kurdan bike hate şîrovekirin.

Prof. Dr. Baykal ji K24ê re bersiva pirsa "Ev nêzîkatiya we ya li hemberî Kurdan peyameke beriya hilbijartinê ye yan tenê biryareke şexsî ye?" da û got:

“Bila ez zelal bibêjim. Ew ne peyamek li ser siyaseta niha ye, ji ber ku ez ne kesekî di siyasetê de me ku daxwaza dengan ji bo partiyek dike. Lê bi herfeke mezin eger em ê behsa siyasetê bikin peyameke pir siyasî ye. Gelekî girîng e ku bê gotin ku zimanê Kurdî nirxeke vî welatî û hêmaneke hêza neteweyî ya bi vê nasnameyê ye, bi taybetî di dema niha de.”

“Ez Kurdî hîn dibim û ez ji Kurdî hez dikim”

Li ser pirsa gelo tu dixwazî ​​hînî Kurdî bibî yan na, Baykal wiha bersiv da: “Ez Kurdî hîn dibim û ez ji Kurdî hez dikim û ji Kurdî hez dikim. Siyasetmedarekî ku bi Kurdî nizanibe ne mimkûn e ku dilê bi milyonan dengdêran xweş bike. Min îro destpê kir, ez bawer im sibe wê hemû siyasetmedar hînî Kurdî bibin.”

Asli Baykal bal kişand ser bêtehamuliya li Tirkiyeyê ya li hemberî Kurdî û diyar kir, ev yek nayê qebûlkirin.

“Yek ji hêmanên ku me dike Tirk, welatiyên me yên Kurd in. Loma jî Kurdî ye. Ez dibînim ku nîqaşa azadiya zimanê Kurdî jî şerm e.”

‘Ez alîgirê azadiya Kurdî me’

Li ser pirsa, “Çend roj beriya tweetên ku we parve kirine, we daxuyaniyên Partiya DEVA yên derbarê perwerdeya bi zimanê dayikê de bi tundî rexne kirin. Di daxuyaniyên we de nakokî tune ne?" got, “Tu nakokî tune ne. Ez alîgirê azadiya Kurdî me.

Ez alîgirê perwerdeya zimanê dayikê me. Perwerdeya bi zimanê dayikê mijarek din e. Tevlihevkirina zimanê fermî yê dewletê bi azadiya zimanê zikmakî re û anîna rojeva perwerdeya duzimanî, li pêşiya axaftina azadiyan astengî derdixe. Di derdoreke ku Kurdî bi serbestî tê axaftin û perwerdeya bi Kurdî bêpere ye, mijara perwerdeya bi zimanê dayikê mijareke duyemîn e.”

"Pêşeroja Tirkiyeyê jî di destê Kurdan de ye"

Asli Baykal eşkere kir, Maseya Şeş alî Kurdî û pirsgirêka Kurd di 'Lihevkirina Polîtîkayên Hevpar' de cih negirtine û got, "Polîtîkayên ku bi îdiaya li Tirkiyeyê Kurd tunene, tên afirandin, ne bi kêrî Tirkiyeyê û ne jî neteweperestên Tirk tên. Ez wisa difikirim ku paşeroja Tirkiyê bi Kurdan ve girêdayî ye û ger Kurd bi tevahî netew-dewletê û hemwelatîbûna wekhev bixin hundurê xwe, ew ê rabe. Yanî paşeroja Tirkiyeyê di destê Kurdan de ye."

Baykal', "Pêşeroja Tirkiyeyê wê di vê hilbijartinê de li Diyarbekirê ava bibe. Derbarê tweeta xwe ya “Diyarbekir wê rêya paşeroja me xêz bike” jî wiha got:

“Diyarbekir bajarekî gelekî sembolîk e. Wê dengdêrên Kurd di diyarkirina serketî ya hilbijartinên pêş de, xwedî însiyatîfeke mezin bin. Ya rastî ev hilbijartinek e ku tê de piştgiriya Kurdan tê de bê hilbijartin. Em di nav pêkhateyeke jimareyî de ne, yên ku nikaribin dengê Kurdan bi dest bixin, nikarin di hilbijartinê de bi ser bikevin. Bajarê ku ev girêk wê bi demografiyê çareser bibe Diyarbekir e.”