Almanya 2 sîstemên Patrîot ên li Polonyayê li dijî Rûsyayê çalak dike
PeyamaKurd – Hate ragihandin ku Almanyayê li ser gefên Rûsyayê li Polonyayê du sîstemên parastina asmanî yên Patrîot li sînoran bicih kir û roja duşema bê jî têne xebitandin.
Wezîrê Bergiriya Almanya Boris Pistorius ragihand ku herdu sîstemên moşekî yên parastina asmanî yên Patrîot ku li balafirgeha Jasionka ya alîkariyên mirovî û leşkerî digihîne Ukraynayê roja duşemê têne çalak kirin.
Pistorius, di serdana xwe ya Polonyayê de got ku heta niha Amerîkayê parastina balafirgehê dikir û ji niha şûnde jî dê yekîneya Patrîotan a Alman vê erkê bicih werîne heta 6 mehan.
Herwiha Pistorius ragihand ku dê Almanya di mehên havînê de jî jetên Eurofighter ji bo alîkariya polîsê asmanî yên Polonyayê bişîne.
Ev nivîs 32 car hatiye xwendin.
