Amerîka xwestiye YPG ji Minbicê bizîvire!

PeyamaKurd - Hat ragihandin ku Şandeke ji Wezareta Karên Derve ya Amerîkayê, bo hevdîtinan bi berpirsên eskerî û siyasî yên Minbicê re bikin, seredana bajêr kirin.

Li gor agahiyên ji niştecihên herêmê, Şandeke ji Wezareta Karên Derve ya Amerîkayê bo hevdîtinan bi berpirsên eskerî û siyasî yên Minbicê re bikin, seredana bajên kirin û nîzikî 2 seetan bi berpirsên eskerî û siyasî yên Minbicê re gotûbêj kirin.

Şanda ku ji 9 kesan pêkhate û li ser pirsên Rojhilata Navîn pispor, bi berpirsên Minbicê re li ser qonaxa sisiyan a nexşerêya Minbicê gotûbêj kirin.

Herwiha şanda Amerîkî hevdîtin bi endamên Meclisa Leşkerî ya Minbicê, Meclisa Medenî ya Minbicê û hêzên ser bi YPGê re pêkanîn û li ser çawaniya hebûna hêzên Amerîkî-Tirk li derdora vî bajarî axivîn û derbarê gotûbêjên pêşerojê di navbera Amerîka û Tirkiyê de li bara Minbicê de jî gotûbêj kirin.

Şanda Amerîkî ji aliyên Minbicê xwestiye ku derbarê paşdazivirîna ji nav Minbicê tu astengiyekê dernexin.