Bessent: Em li dijî Îranê derbasî 'lîstika dawî' bûn

PeyamaKurd - Wezîrê Xezîneyê yê Dewletên Yekbûyî yên Amerîkayê Scott Bessent derbarê şerê di navbera DYA, Îran û Îsraîlê de daxuyaniyeke girîng da û ragihand ku ew di vê pevçûnê de derbasî "lîstika dawî" (endgame) bûne.

Bessent diyar kir ku mebesta wan a sereke ew e ku hemû çavkaniyên aborî û darayî yên rejîma Tehranê qut bikin heta ku Îran di qada navdewletî de bi tevahî bi tenê bimîne.

Bessent bal kişand ser daxuyaniyên Serokê DYAyê Donald Trump ku dabû zanîn ku kapasîteya leşkerî, kargehên çekan û bernameya nukleerî ya Îranê hatine wêrankirin û got: "bi Berbangê re, li hember dijmin êrîşa herî mezin a darayî û aborî dest pê dike.

" Wezîrê Amerîkî tekez kir ku serdemiya muzakerekirina saziyan qediyaye û hişyariyeke tund da wan aliyên ku dixwazin sebra Washingtonê bipêjin.