Du dronên Îranî li asmanê Hewlêrê hatin xistin

PeyamaKurd - Dijeterora Kurdistanê ragihand ku îro, 14’ê Nîsana 2026’an, saet 17:00’an, du dronên bombekirî ku ji axa Îranê ve ber bi parêzgeha Hewlêrê ve hatibûn arastekirin, hatin pûçkirin. Berî ku ev dron bigihîjin armancên xwe, li sînorê parêzgehê ji aliyê balafirên cengî ve li asman hatin tespîtkirin û hatin êxistin.

Li gorî daxuyaniya fermî ya Dijeterora Kurdistanê, ev hewildana êrîşê bi serkeftî hatiye pûçkirin û tu zirarên canî yan jî madî nehatine tomar kirin. Ev bûyer di demekê de pêk tê ku alozî di navbera Îran û hêzên navneteweyî de li herêmê her ku diçe zêdetir dibe û ewlehiya asmanî ya Herêma Kurdistanê bûye mijareke krîtîk.