Îtalyayê peyamek li ser Tengava Hurmuzê da

PeyamaKurd - Serokwezîra Îtalyayê Giorgia Meloni diyar kir ku kes ji bo şikandina dorpêça li Tengava Hurmuzê mîsyonek leşkerî nafikire.

Moloni ev gotin ji rojnamevanan re kir dema ku ji Lûtkeya Rêberên YE li Brukselê derket, ku doh dereng bi şev bi dawî bû.

Wê destnîşan kir ku ev Lûtkeya Rêberên YE di demek tevlihev û girîng a rojeva navneteweyî de pêk hat, krîza li Rojhilata Navîn, krîza di warê piralîbûnê de, mijara ewlehiya enerjiyê ya ku cihê fikaran e, koçberî û pirsgirêkên di çarçoveya şerê li Ukraynayê de nîqaş kir.

Meloni diyar kir ku welatên YE rasterast di vê pevçûnê de beşdar nînin, lê di şûna wê de alîgirê avakirina rêyek dîplomatîk û kêmkirina rageşiyê ne.

Serokwezîr Meloni diyar kir ku wê "hin şîroveyên bi zorê" yên daxuyaniya hevbeş a doh ji hêla Fransa, Almanya, Îtalya, Japonya, Hollanda û Keyaniya Yekbûyî ve hatine dayîn, dîtine, û amadebûna xwe diyar kirine ku "bi hewildanên guncaw dema ku şert û merc destûr bidin" beşdarî ewlehiya navîgasyonê li Tengava Hurmuzê bibin.

Meloni got, "Ez dixwazim eşkere bikim: Kes ji bo şikandina dorpêça li Tengava Hurmuzê mîsyonek leşkerî nafikire. Pirsa ku em ji xwe dipirsin ev e: Dema ku şert û merc destûrê bidin, lê bi awayekî maqûl û bi rêkeftinek zelal bi aliyan re di qonaxa piştî pevçûnê de, em çawa dikarin beşdarî garantîkirin û parastina azadiya seyahetê bibin?"

Meloni herwiha destnîşan kir ku, wekî welatên ku nêrînên wekhev li ser koçberiyê parve dikin, ku bandorek potansiyel a krîza li Rojhilata Navîn e, ew berî lûtkeyê civiyan. Wî diyar kir ku Îtalya û Danîmarkayê pêşniyar kirin ku encamên lûtkeyê hewcedariya xurtkirina sînorên xwe yên derve û pêşîgirtina li krîzek potansiyel di nav xwe de bigirin, ji ber ku ji krîza koçberiyê ya 2015an ders wergirtine.