Ji Ebadî û Malîkî daxuyaniya namzedbûnê

PeyamaKurd – Serokwezîrên berê yên Iraqê Heyder Ebadî û Nurî Malîkî derbarê namzedbûyîna xwe de daxuyanî dan.

Serokwezîrê serdema berê û Serokê Hevpeymaniya Nesir, Heyder Ebadî ragihand ku ew nabe namzed û ji bo namzedbûnê jî ew dê navekî pêşniyar neke.

Duh jî Serokwezirê berê û Serokê Hevpeymaniya Dewleta Yasa, Nurî Malîkî diyar kiribû ku ji bo serokwezîriya Iraqê nabe namzed.

Piştî bûyerên protestoyî yên li Iraqê Adil Ebdulmehdî biryara karvekişîna xwe pêşkêşî parlemanê kiribû û parlemanê jî di civîna duh de ew biryar pesend kiribû.

Xwepêşander li dijî bêkarî, gendelî û kêmasiya xizmetguzariyan çalakiyan li dar dixin û  gor amarên nefermî ji destpêka xwepêşandanan ve heta niha 350 xwepêşander hatine kuştin û zêdetir ji 15 hezar kes jî bûne qurbanî.